'పుష్ప 2' బిగ్ అప్డేట్- బన్నీ ఫ్యాన్స్ గెట్ రెడీ- టీజర్ వచ్చేది అప్పుడే - Pusha 2 Teaser

Pusha 2 Teaser: టాలీవుడ్ స్టార్ అల్లు అర్జున్ హీరోగా ప్రతిష్ఠాత్మకంగా తెరకెక్కుతున్న పుష్ప- 2నుంచి కీలక అప్డేట్ వచ్చింది.

Pusha 2 Teaser: ఐకాన్​స్టార్ అల్లు అర్జున్- సుకుమార్ కాంబోలో తెరకెక్కుతున్న మోస్ట్ అవెయిటెడ్ మూవీ 'పుష్ప- 2' నుంచి కీలకమైన అప్డేట్ వచ్చింది. ఈ సినిమా టీజర్​ను ఏప్రిల్ 8న రిలీజ్ చేయనున్నట్లు మేకర్స్ మంగళవారం తెలిపారు. 'పుష్ప మాస్ జాతరా, హీ ఈజ్ కమింగ్ విత్ డబుల్ ఫైర్' అంటూ ఓ పోస్టర్ రిలీజ్ చేశారు మూవీ మేకర్స్. కాలికి గజ్జెలు కట్టి ఉన్న ఈ పోస్టర్​ ప్రస్తుతం సోషల్ మీడియాలో ట్రెండింగ్​గా మారింది. ఇక ఈ అప్డేట్​తో అల్లు అర్జున్ ఫ్యాన్స్ ఫుల్ జోష్​లో ఉన్నారు.

ఇక ఈ సినిమా షూటింగ్ పనులు శరవేగంగా జరుగుతున్నాయి. ఇప్పటికే సినిమా నుంచి రిలీజైన గ్లింప్స్ వీడియో, పోస్టర్లు సినిమాపై అంచనాలు పెంచేశాయి. ఈ సినిమాలో బన్నీకి జోడీగా నేషనల్ క్రష్ రష్మికా మందన్నా నటిస్తోంది. మలయాళ నటుడు ఫాహద్ ఫాజిల్, ప్రియమణి, అనసూయ, విజయ్ సేతుపతి తదితరులు కీలక పాత్రలు పోషిస్తున్నారు. మ్యూజిక్ సంచలనం దేవీ శ్రీ ప్రసాద్ ఈ మూవీకి సంగీతం అందిస్తుండగా, మైత్రి మూవీ మేకర్స్​ బ్యానప్​పై నవీన్ యర్నేని, రవి శంకర్ నిర్మిస్తున్నారు. 2024 ఆగష్టు 15న పుష్ప- 2 వరల్డ్​వైడ్​గా గ్రాండ్​గా రిలీజ్ కానున్నట్లు మేకర్స్ ఇదివరకే తెలిపారు.

Allu Arjun Wax Statue: అల్లు అర్జున్​కు ఇటీవల అరుదైన గౌరవం దక్కింది. మేడమ్ టుస్సాడ్స్ మ్యూజియం నిర్వాహకులు దుబాయ్​లో అల్లు అర్జున్ మైనపు విగ్రాహం ఏర్పాటు చేశారు. పుష్ప సినిమాలోని తగ్గేదేలే మేనజరింతో ఉన్న విగ్రహాన్ని ఏర్పాటు చేశారు. అల్లు అర్జున్ 21ఏళ్ల సినీ కెరీర్​ సందర్భంగా, మార్చి 28న ఈ విగ్రహాన్ని ఓపెనింగ్ చేశారు. ఈ విగ్రహాన్ని స్వయంగా బన్నీయే ఓపెనింగ్ చేశారు. ఈ కార్యక్రమంలో ఆయన సతీమణి స్నేహా రెడ్డి, పిల్లలు అయాన్, అర్హ తోపాటు సోదరుడు అల్లు శిరీశ్​ కూడా పాల్గొన్నారు. ఇక ప్రపంచవ్యాప్తంగా ఆయా నగరాల్లో ఉన్న టుస్సాడ్స్ మ్యూజియంలో ఇప్పటికే పలువురు టాలీవుడ్ స్టార్ హీరో, హీరోయిన్లు విగ్రహాలు ఏర్పాటు చేశారు. ఇప్పటికే ప్రభాస్, మహేశ్ బాబు, కాజల్ అగర్వాల్ మైనపు విగ్రహాలు ఆయా నగరాల్లోని మ్యూజియంలో ఉన్నాయి.