How To Identify Adulterated Watermelon : మార్చి రాకముందే ఎండలు మండుతున్నాయి. ఈ క్రమంలోనే చాలా మంది సమ్మర్లో సాలిడ్ ఫుడ్స్ కంటే హెల్దీ డ్రింక్స్, చలువ చేసే పండ్లను తినడానికి ఎక్కువ ఆసక్తి చూపుతుంటారు. అందులో పుచ్చకాయ ముందు వరుసలో ఉంటుంది. పిల్లల నుంచి పెద్దల వరకు అందరూ ఎంతో ఇష్టంగా తింటుంటారు. అయితే, ప్రస్తుత రోజుల్లో కల్తీకి కాదేది అనర్హం అన్నట్లుగా కొందరు వ్యాపారులు తినే పండ్లను వదలట్లేదు.
ముఖ్యంగా సమ్మర్ స్పెషల్ ఫ్రూట్గా చెప్పుకునే పుచ్చకాయను త్వరగా పండటానికి, ఎర్రగా కనిపించడానికి ఇంజెక్షన్లు వేస్తున్నారట. ఇలాంటివి తినడం వల్ల వివిధ ఆరోగ్య సమస్యలు వచ్చే ప్రమాదం ఉందని హెచ్చరిస్తున్నారు నిపుణులు. కాబట్టి, పుచ్చకాయను కొనేటప్పుడే స్వచ్ఛమైన వాటిని గుర్తించాలని సూచిస్తున్నారు. ఈ నేపథ్యంలోనే 'ఫుడ్ సేఫ్టీ అండ్ స్టాండర్డ్స్ అథారిటీ ఆఫ్ ఇండియా(FSSAI)' కూడా కల్తీ పుచ్చకాయను ఏవిధంగా గుర్తించాలనే దానిపై ఒక వీడియోను విడుదల చేసింది. మరి, ఎలా గుర్తించాలో ఇప్పుడు చూద్దాం.
- FSSAI విడుదల చేసిన వీడియోలో ఈ సింపుల్ టెస్ట్ని ఫాలో అవ్వడం ద్వారా కల్తీ పుచ్చకాయను ఈజీగా కనిపెట్టవచ్చు. అందుకోసం పెద్దగా కష్టపడాల్సిన అవసరం లేదు.
- ఇందుకోసం ముందుగా పుచ్చకాయను కొనేటప్పుడు ఒక చిన్న పీస్ని కట్ చేసి ఇవ్వమనాలి. అప్పుడు ఒక చిన్న కాటన్ బాల్ లేదా టిష్యూ పేపర్ తీసుకొని కట్ చేసిన ఆ ముక్క లోపలి భాగాన్ని అక్కడక్కడ రబ్ చేయాలి.
- అలా రబ్ చేసినప్పుడు దూది అనేది ఎరుపు రంగులోకి మారితే అది కల్తీ చేసిన పుచ్చకాయగా భావించాలంటున్నారు. అదే స్వచ్ఛమైన పుచ్చకాయ అయితే ఎలాంటి రంగు మారదని గుర్తుంచుకోవాలంటున్నారు. ఇలా ఈ చిన్న టెస్ట్తో కల్తీ పుచ్చకాయను ఇట్టే కనిపెట్టవచ్చంటున్నారు FSSAI అధికారులు.
పుచ్చకాయ లోపల ఎర్రగా పండిందో లేదో - ఇలా తెలుసుకోండి!
మరికొన్ని టిప్స్ :
- పుచ్చకాయ పైన అక్కడక్కడా పసుపు మచ్చలతో కొద్దిగా తెల్లగా ఉంటే దాన్ని కచ్చితంగా ఇంజెక్షన్‌ చేసి ఉంటారని గుర్తించాలంటున్నారు నిపుణులు.
- అదేవిధంగా, వాటర్‌మెలన్‌ త్వరగా పండటానికి కార్బైడ్‌ అనే కెమికల్‌ను చల్లుతారట. కాబట్టి, పుచ్చకాయ పైన పసుపు రంగులో ఉన్నట్టుంటే దాన్ని ఉప్పు నీటితో బాగా కడిగి ఆపై తినాలని సూచిస్తున్నారు.
- మరో టిప్ ఏంటంటే, మీరు పుచ్చకాయను తీసుకునేటప్పుడు ఆ కాయను బాగా పరిశీలించండి. దానిపై ఎక్కడైనా రంధ్రాలు కనిపిస్తే దాన్ని అస్సలు కొనుగోలు చేయకండి. ఎందుకుంటే రంధ్రాలు ఉన్న పుచ్చకాయలకు ఇంజెక్షన్‌ చేసి ఉండవచ్చు!
- అలాగే, కల్తీ వాటర్‌మెలన్‌ను కోసినప్పుడు ఆ కాయలో పగుళ్లు ఎక్కువగా ఉంటాయట. కాబట్టి, పుచ్చకాయను కొనేటప్పుడు, కొన్నాక ఈ టిప్స్ ఫాలో అవ్వడం ద్వారా మంచిది ఏదో, కల్తీదేదో సింపుల్గా గుర్తించవచ్చంటున్నారు నిపుణులు.
పుచ్చకాయను ఫ్రిజ్‌లో అస్సలు పెట్టకూడదు! ఎందుకో మీకు తెలుసా ?
