'అక్షర్​ను డిన్నర్​కు తీసుకెళ్తా'- క్యాచ్ డ్రాప్​ చేసినందుకు రోహిత్​ ఆఫర్

అక్షర్ హ్యాట్రిక్​ మిస్- రోహిత్ ఫన్నీ రెస్పాన్స్

Rohit Sharma Catch Drop : 2025 ఛాంపియన్స్​ ట్రోఫీలో టీమ్ఇండియా శుభారంభం చేసింది. గురువారం బంగ్లాదేశ్​తో జరిగిన మ్యాచ్​లో భారత్ 6 వికెట్ల తేడాతో నెగ్గింది. అంతా బాగానే ఉన్నా, ఈ మ్యాచ్​లో టీమ్ఇండియా ఆల్​రౌండర్ అక్షర్ పటేల్ బాధ వర్ణనాతీతం. అతడు హ్యాట్రిక్​పై ఉండగా, స్లిప్‌లో ఫీల్డింగ్ చేస్తున్న కెప్టెన్ రోహిత్ శర్మ ఈజీ క్యాచ్‌ మిస్ చేశాడు. దీంతో అక్షర్​ ఈ ప్రతిష్ఠాత్మక టోర్నీలో హ్యాట్రిక్ నమోదు చేసే గోల్డెన్ ఛాన్స్ మిస్ అయ్యాడు.

అయితే మ్యాచ్​ అనంతరం రోహిత్ దీనిపై స్పందించాడు. అలాంటి ఈజీ క్యాచ్ పట్టి ఉండాల్సిందని అన్నాడు. లడ్డూ లాంటి క్యాచ్ మిస్ చేసినందుకు అక్షర్​ను డిన్నర్​కు తీసుకెళ్లాలని సరదగా అన్నాడు. 'అది చాలా ఈజీ క్యాచ్. నేను ఆ క్యాచ్ పట్టాల్సింది. కానీ, స్లిప్స్​లో ఫీల్డింగ్ చేస్తున్నప్పుడు ఒక్కోసారి ఇలాంటివి జరుగుతాయి. అయితే క్యాచ్ మిస్ చేసినందుకు నేను రేపు అతడిని డిన్నర్​కు తీసుకెళ్తా' అని రోహిత్ పేర్కొన్నాడు.

“I may take Axar for dinner tomorrow!” - Rohit Sharma 😜#RohitSharma #AxarPatel #BANvIND #ChampionsTrophy #Hitman pic.twitter.com/cxiwDBwxZJ

— Punjab Kings (@PunjabKingsIPL) February 20, 2025

ఇదీ జరిగింది
బంగ్లా ఇన్నింగ్స్​లో అక్షర్ 9వ ఓవర్​ బౌలింగ్​కు దిగాడు. ఆ ఓవర్​లో రెండు, మూడు వరుస బంతుల్లో తంజీద్ హసన్ (25 పరుగులు), ముష్ఫికర్ రహీమ్ (0)ను ఔట్ చేశాడు. దీంతో అక్షర్ హ్యాట్రిక్​కు చేరువయ్యాడు. తర్వాతి బంతికి, అప్పుడే క్రీజులోకి వచ్చిన జేకర్ అలీ కూడా ఔట్ అయ్యేవాడే. ఔట్‌ సైడ్‌ ఎడ్జ్‌తో చేతుల్లోకి వచ్చిన సింపుల్​ క్యాచ్​ను రోహిత్‌ జారవిడిచాడు. లడ్డూ లాంటి క్యాచ్‌ను పట్టలేకపోయినందుకు అతడు తీవ్ర అసహానికి గురయ్యాడు. వెంటనే హ్యాట్రిక్‌ను మిస్ చేసినందుకు అక్షర్‌కు సారీ చెప్పాడు. అప్పటికి బంగ్లా స్కోర్ 35-5.

Tanzid ☝️
Mushfiqur☝️
Hattrick... Well, almost! 😮

📺📱 Start watching FREE on JioHotstar: https://t.co/dWSIZFgk0E#ChampionsTrophyOnJioStar 👉 #INDvBAN, LIVE NOW on Star Sports 1 & Star Sports 1 Hindi! pic.twitter.com/5mn6Eqivci

— Star Sports (@StarSportsIndia) February 20, 2025

ఆ క్యాచ్ అందుకుంటే బంగ్లా 200 పరుగులు చేసేది కాదేమో. ఈ ఛాన్స్​తో జేకర్ (68 పరుగులు)తో రాణించాడు. మరోవైపు తౌహిద్ హృదయ్ (100 పరుగులు) సెంచరీతో అదరగొట్టడం వల్ల బంగ్లా స్కోర్ 200 మార్క్ దాటింది. కాగా, ఈ మ్యాచ్‌లో అక్షర్ పటేల్ 9 ఓవర్లలో 43 పరుగులు ఇచ్చి రెండు వికెట్లు తీశాడు.