Akkineni Akhil Upcoming Movies :యంగ్ హీరో అక్కినేని అఖిల్ ప్రస్తుతం సాలిడ్ కమ్బ్యాక్ కోసం ఎదురుచూస్తున్నారు. గతేడాది వచ్చిన 'ఏజెంట్' సినిమా ఆశించిన స్థాయిలో హిట్ టాక్ అందుకోవడం అక్కినేని అభిమానులను నిరాశలో మునిగిపోయారు. ఈ సినిమా కోసం అఖిల్ తీవ్రంగా శ్రమించినప్పటికీ ఫలితం లేకుండా పోయింది. అయితే ఈ చిత్రం తర్వాత అఖిల్ తన అప్కమింగ్ మూవీస్ గురించి ఎక్కడా ప్రస్తావించలేదు. కనీసం ఇండస్ట్రీలో యాక్టివ్గానూ కనిపించలేదు.
గతంలో 'సలార్' సక్సెస్ మీట్లో డిఫరెంట్ లుక్లో కనిపించి అందరినీ ఆకట్టుకున్నారు. దీంతో ఆయన త్వరలో కొత్త సినిమా గురించి అనౌన్స్ చేస్తారని అందరూ అనుకున్నారు. కానీ అటువంటిది ఏం జరగలేదు. మరికొందరేమో 'సలార్ 2'లో అఖిల్ నటిస్తున్నారని అన్నారు. అయితే అవి కూడా రూమర్సే అని తేలిపోయింది.
అయితే ఇంతకాలం అఖిల్ అజ్ఞాతంలో ఉన్నది మాత్రం తన అప్కమింగ్ మూవీ కోసమే అంటూ తాజాగా సినీ వర్గాల్లో టాక్ నడుస్తోంది. టాలీవుడ్ ప్రముఖ బ్యానర్ యువి క్రియేషన్స్ నిర్మించనున్న ఓ భారీ ప్యాన్ ఇండియా మూవీ కోసం అఖిల్ ఇన్నేళ్లు తీవ్ర కసరత్తులు చేస్తున్నట్లు తెలుస్తోంది.
యంగ్ డైరెక్టర్ అనిల్ డెబ్యూ చిత్రంగా రానున్న సినిమాలో అఖిల్ గ్రాండ్ రీ ఎంట్రీ ఇచ్చేందుకు సన్నాహాలు జరుగుతున్నట్లు తెలుస్తోంది. ఈ సినిమా గురించి త్వరలోనే అఫీషియల్ అనౌన్స్మెంట్ కూడా రానుందట.