బైక్​పై వెళ్తూ స్నానం.. సబ్బు రాసుకుని వర్షంలో తడుస్తూ..

Bath on Bike : ఉత్తర్​ప్రదేశ్​లో ఇద్దరు యువకులు విచిత్రంగా ప్రవర్తించారు. వర్షం కురుస్తున్నప్పడు ఒంటికి సబ్బు రాసుకుని.. బైక్​పై అర్ధనగ్నంగా ప్రయాణిస్తూ స్నానం చేశారు. ఈ ఘటనను అటుగా వెళ్తున్న వాహనదారులు వీడియో తీసి సోషల్​ మీడియాలో పోస్ట్​ చేశారు. దీంతో ఈ వీడియో వైరల్​ అయింది. ప్రస్తుతం వీరి కోసం పోలీసులు గాలిస్తున్నారు. 

ఇదీ జరిగింది.. కాన్పుర్​ నగరంలో వర్షం కురుస్తుండటం వల్ల వాతావరణం చల్లగా మారింది. దీంతో ఇద్దరు యువకులు సోషల్​ మీడియాలో ట్రెండ్​ కావడానికి విచిత్రంగా ప్రవర్తించారు. ఒంటికి సబ్బు రాసుకుని.. బైక్​పై అర్ధనగ్నంగా, ప్రమాదకరంగా ప్రయాణిస్తూ స్నానం చేశారు. దీన్ని వాహనదారులు వీడియో తీసి సామాజిక మాధ్యమాల్లో పోస్ట్​ చేయడం వల్ల.. వైరల్​గా మారింది. ఈ బైక్​ నంబర్​ యూపీ 78తో మొదలైంది. దీంతో ఈ బైక్​.. కాన్పుర్​కు చెందినదిగా భావిస్తున్నారు.

ఈ వీడియోపై కాన్పుర్​ ట్రాఫిక్ పోలీసులు స్పందించారు. బహిరంగ ప్రాంతంలో వాహనదారులకు ఇబ్బందికరంగా ప్రవర్తించిన ఇద్దరి కోసం వెతుకుతున్నారు. ట్రాఫిక్​ డీసీపీ రవీనా త్యాగి ఈ ఘటనపై కేసు నమోదు చేసి.. విచారణకు ఆదేశించారు. నిందితులపై చట్టపరమైన చర్యలు తీసుకుంటామని తెలిపారు. అయితే, వీడియోపై నెటిజన్లు వివిధ రకాలుగా స్పందించారు. ఈ వీడియో ఫన్నీగా ఉందని కొందరు కామెంట్లు పెట్టగా.. నిబంధనలు​ పాటించకుండా నిర్లక్ష్యంగా వ్యవహరించారని మరికొందరు తమ అభిప్రాయం వ్యక్తం చేశారు.