వామ్మో! 18.5 అడుగుల కొండచిలువను చూశారా?

Python Viral Video : ఒడిశాలోని కేంద్రపరా జిల్లాలో భారీ కొండచిలువ కలకలం సృష్టించింది. బైసిఘేరి గ్రామంలోని పొలంలో పైథాన్ కనపడగా అంతా ఒక్కసారిగా భయాందోళనకు గురయ్యారు. ఆ తర్వాత స్థానికులు, అటవీ శాఖ అధికారులకు సమాచారం అందించారు. విషయం తెలుసుకున్న అధికారులు ఘటనాస్థలికి చేరుకున్నారు. కొండచిలువను రక్షించి తీసుకెళ్లారు.

"శుక్రవారం రాత్రి 9 గంటలకు బైసిఘేరి గ్రామంలో పొలంలో 18.5 అడుగుల పొడవైన కొండచిలువను స్థానికులు గుర్తించారు. మాకు సమాచారం అందించగా, వెళ్లి రక్షించాం. కొండచిలువకు చిన్నపాటి గాయాలు ఉన్న కారణంగా, వైద్యులు చికిత్స అందిస్తున్నారు. ఆ తర్వాత డీఎఫ్​ఓ సార్ ఆదేశాల మేరకు కొండచిలువను అటవీ ప్రాంతలో వదలనున్నాం" అని ఫారెస్ట్ గార్డ్ సునీల్ రంజన్ రౌతరాయ్ తెలిపారు.