మహిళను హిప్నటైజ్ చేసి బంగారం చోరీ? పట్టపగలు నడిరోడ్డుపైనే గాజులు మాయం!

Woman Hypnotised And Robbed : పట్టపగలు, నడిరోడ్డులో ఓ మహిళను హిప్నటైజ్ చేసి​ బంగారు గాజులు దోచుకున్నారన్న వార్త ఉత్తరాఖండ్​ రుద్రపుర కొత్వాల్​లోని ఉద్ధమ్​సింగ్​ నగర్​లో చర్చనీయాంశమైంది. సంబంధిత దృశ్యాలు సీసీ కెమెరాలో రికార్డ్ అయ్యాయి. బాధితురాలి ఫిర్యాదుతో కేసు నమోదు చేసిన పోలీసులు నిందితుల కోసం గాలింపు చర్యలు చేపట్టారు. పోలీసులు చెప్పిన వివరాల ప్రకారం- రమా రాణి అనే మహిళ డిసెంబర్ 23న ఓ ప్రైవేట్ ఆసుపత్రికి వెళ్తుండగా, ముగ్గురు గుర్తు తెలియని వ్యక్తులు ఆమెను వెంబడించారు. వారిలో ఒకరు బాధిత మహిళ దగ్గరకు వచ్చి, ఆమె కాళ్లకు నమస్కారం చేశాడు. తరువాత ఆమెతో ఏదో మాట్లాడాడు. అంతే ఆమె అతనిని అనుసరించి వెళ్లింది. తరువాత ఆ ముగ్గురు కలిసి ఆమె చేతికి ఉన్న నాలుగున్న తులాల బంగారు గాజులను దోచుకున్నారు. దీనితో బాధితురాలు పోలీసులకు ఫిర్యాదు చేసింది. తనను హిప్నటైజ్ చేసి బంగారాన్ని దోచుకున్నారని ఆవేదన వ్యక్తం చేసింది. దీనితో స్థానికుల్లో భయాందోళనలు నెలకొన్నాయి.