బైక్​ను ఢీకొట్టిన కారు, గాల్లోకి ఎగిరిపడ్డ భార్యాభర్తలు, ఒకరు మృతి

కేరళ మలప్పురం జిల్లా తిరుర్​ రోడ్డులో శనివారం ఘోర రోడ్డు ప్రమాదం జరిగింది. వేగంగా వస్తున్న కారు బైక్​ను ఢీకొట్టింది. దీంతో బైక్​పై ఉన్న ఇద్దరు గాల్లోకి ఎగిరిపడ్డారు. ఈ ప్రమాదంలో అబ్దుల్ ఖాదర్(48) అనే వ్యక్తి ఘటనా స్థలంలోనే మృతి చెందగా, ఆయన భార్యకు తీవ్ర గాయాలయ్యాయి. సీసీటీవీలో ప్రమాద దృశ్యాలు రికార్డయ్యాయి. మృతుడు పుతనతని గ్రామానికి చెందిన వ్యక్తి. కారు అతివేగంతో నడపడమే ఈ ప్రమాదానికి కారణమని స్థానికులు చెబుతున్నారు.