యుద్ధభూమి నుంచి సేఫ్​గా భారత్​కు.. విమానాల్లో జైహింద్ నినాదాల హోరు

Ukraine Russia News: ఉక్రెయిన్​-రష్యా యుద్ధంతో ఉద్రిక్త పరిస్థితులు నెలకొన్న నేపథ్యంలో ఆ ప్రాంతాల్లో చిక్కుకున్న భారతీయులను స్వదేశానికి తీసుకువచ్చేందుకు కేంద్ర ప్రభుత్వం 'ఆపరేషన్​ గంగ' చేపట్టింది. ఈ క్రమంలో ప్రత్యేక విమానాల ద్వారా స్వదేశానికి తీసుకువచ్చిన భారతీయులకు కేంద్ర మంత్రులు స్వాగతం పలికారు. కేంద్ర మంత్రి స్మృతి ఇరానీ వివిధ ప్రాంతీయ భాషల్లో విద్యార్థులకు స్వాగతం పలికారు. మంత్రులు గజేందర్​ షెకావత్​, వీరేంద్ర కుమార్, రాజీవ్​ చంద్రశేఖర్​ కూడా విద్యార్థులకు స్వాగతం పలికి వారికి ధైర్యం చెప్పారు. స్వదేశానికి తిరిగి చేరుకున్నందుకు విద్యార్థులు సంతోషం వ్యక్తం చేశారు. జైహింద్, భారత్​ మాతా కీ జై నినాదాలతో విమానాల్లో హోరెత్తించారు.