బట్టతల చికిత్స @రూ.20- 8రోజుల్లోనే రిజల్ట్​! - ట్రీట్​మెంట్​ కోసం ఎగబడ్డ జనం

Baldness Cure For Rs 20 in Meerut : కేవలం రూ.20లకే బట్టతలకి చికిత్స చేస్తున్నారని తెలియగానే ప్రజలు ఒక్కసారిగా బారులు తీశారు. రోడ్లపై క్యూ కట్టారు. దీంతో ట్రామ్​ జామ్​ అవ్వడం వల్ల అంబులెన్స్ కూడా దారి ఇవ్వలేని పరిస్థితి నెలకొంది. ఈ సంఘటన ఉత్తర్​ప్రదేశ్​లో జరిగింది. ప్రస్తుతం అందుకు సంబంధించిన వీడియోలు వైరల్ అవుతున్నాయి.  

డిసెంబర్ 15(ఆదివారం) మేరఠ్​లోని లిసాడీ గేట్​ అనే ప్రాంతంలో సల్మాన్ అనే వ్యక్తి మరికొంతమందితో కలిసి రూ.20లకే బట్టతల చికిత్స చేశారు. అందుకు సంబంధించిన మందు రూ.300లకు ఇచ్చారు. కేవలం 8 రోజుల్లోనే జట్టు వస్తుందని ప్రచారం చేశారు. బట్టతలకే కాకుండా జట్టు రాలిపోయే సమస్యతో బాధపడుతున్న వారికి చికిత్సను అని చెప్పారు. దీంతో ఈ విషయం తెలుసుకున్న స్థానికులు భారీ ఎత్తున తరలి వచ్చారు. రోడ్లపై క్యూలో నిలబడి మరి చికిత్స చేయించుకున్నారు. ఒక్కొక్కరిగా వచ్చి ఆ మందును తలకు రాయించుకున్నారు. ఈ దృశ్యాలను వీడియో తీసి సోషల్​ మీడియాలో పోస్ట్​ చేశారు. ఈ వీడియో వైరల్ కావడం వల్ల అధికారులు అప్రమత్తమయ్యారు.  ఘటనా స్థలానికి వెళ్లగా అక్కడ ఎవరూ కనిపించలేదని దీనిపై విచారణ చేపట్టినట్లు పోలీసులు తెలిపారు.