అహ్మదాబాద్​లో 'అభినందన వినాయకుడు'!

దేశవ్యాప్తంగా గణేశ్​ చతుర్థి ఉత్సవాలు అంబరాన్నంటుతున్నాయి. కొబ్బరి కాయలతో, అరటి ఆకులతో, కరెన్సీ నోట్లతో ఇలా ఒక్కో మండపంలో ఒక్కో ఏకదంతుడి విగ్రహాన్ని ఏర్పాటు చేసి ప్రత్యేకతను చాటుతున్నారు ఆయా ప్రాంత వాసులు. గుజరాత్​లోని అహ్మదాబాద్​ ప్రజలు మరింత వినూత్నంగా ఆలోచించారు. బాలాకోట్​ వైమానిక దాడుల సమయంలో వీరోచితంగా పోరాడిన వింగ్​ కమాండర్​ అభినందన్ వర్ధమాన్​ ప్రతిమ రూపంలో వినాయకుడి విగ్రహాన్ని ప్రతిష్ఠించారు. చేతిలో జాతీయ జెండా, చుట్టూ మిగ్​-21 జెట్ల బొమ్మలున్న ఈ ప్రతిమ అందరినీ విశేషంగా ఆకట్టుకుంటోంది.