శిర్డీ సాయిబాబాకు వజ్రాల కిరీటం సమర్పించిన వ్యాపారి

శిర్డీ సాయిబాబాకు వజ్రాలు పొదిగిన బంగారు కిరీటాన్ని విరాళంగా ఇచ్చాడు ఓ వ్యాపారి. ఇంగ్లాండ్‌కు చెందిన కనారి సుబారి పటేల్ అనే భక్తుడు ఈ బంగారు కిరీటాన్ని సాయిబాబా ట్రస్టుకు అప్పగించారు. సాధారణంగా సాయిబాబాకు ఎప్పుడూ బంగారు కిరీటాలు అందుతుంటాయి. అయితే ఈసారి బాబాకు పూర్తిగా వజ్రాలు పొదిగిన కిరీటం విరాళంగా వచ్చింది. ఈ బంగారు కిరీటం బరువు 368 గ్రాములు కాగా దీని ధర రూ.28 లక్షలుగా చెబుతున్నారు. హారతి సమయంలో సాయిబాబాకు కొత్త కిరీటాలు పెడుతుంటారు. తొలినాళ్లలో బాబాకు వెండి కిరీటాలు అధికంగా వచ్చేవి. అనంతరం బంగారు కిరీటాలను దానం చేయడం పెరిగింది.