LIVE : తెలంగాణ భవన్​లో హరీశ్ రావు మీడియా సమావేశం - HARISH RAO LIVE TODAY

Harish Rao Live Today : బీఆర్ఎస్ మాజీమంత్రి, సిద్దిపేట ఎమ్మెల్యే హరీశ్ రావు తెలంగాణ భవన్​లో మీడియా సమావేశం ఏర్పాటు చేశారు. ఈ సందర్భంగా ఆయన మెదక్​లో జరుగుతున్న అల్లర్లపై మాట్లాడారు. గత కేసీఆర్ సర్కార్​లో రాష్ట్రం ప్రశాంతంగా ఉండేదని, కాంగ్రెస్ ప్రభుత్వం అధికారంలోకి వచ్చిన కొద్దిరోజులకే రాష్ట్రంలో అల్లర్లు మొదలయ్యాయని విమర్శించారు. ఈ ప్రభుత్వం శాంతిభద్రతలను పరిరక్షించడంలో విఫలమైందని మండిపడ్డారు. మెదక్​లో అల్లర్లపై తక్షణమే ప్రభుత్వం స్పందించి తగిన చర్యలు తీసుకోవాలని డిమాండ్ చేశారు. మరోవైపు విద్యుత్ కొనుగోళ్ల అంశంపైనా హరీశ్ రావు మాట్లాడారు. ఈ వ్యవహారంపై న్యాయ విచారణ చేపడుతున్న జస్టిస్ ఎల్ నరసింహారెడ్డి కమిషన్ నిష్పక్షపాతంగా విచారణ జరపడం లేదని హరీశ్ రావు ఆరోపించారు. కేసీఆర్​కు నోటీసులు ఇచ్చి హాజరు కాకముందే మీడియా సమావేశం ఏర్పాటు చేసి గత ప్రభుత్వంపై అబాంఢాలు వేశారని మండిపడ్డారు. ఈ వ్యవహారంలో నిష్పక్షపాతంగా విచారణ జరగాలంటే జస్టిస్ నరసింహారెడ్డి విచారణ నుంచి స్వచ్ఛందగా వైదొలగాలని హరీశ్ రావు డిమాండ్ చేశారు.