LIVE : నారాయణపేట బహిరంగ సభలో సీఎం రేవంత్ రెడ్డి - ప్రత్యక్ష ప్రసారం

CM Revanth Reddy Tour : రాష్ట్రప్రభుత్వం ప్రతిష్ఠాత్మకంగా చేపట్టిన ఇందిరమ్మ ఇళ్ల నిర్మాణాలకు ముఖ్యమంత్రి రేవంత్ రెడ్డి శంకుస్థాపన చేశారు. ఇవాళ వికారాబాద్​, నారాయణపేట పర్యటనకు వెళ్లిన సీఎం, అప్పకపల్లెలో ఇందిరమ్మ ఇళ్ల నిర్మాణాల పనులు ప్రారంభించారు. అప్పక్ పల్లిలో బంగలి దేవమ్మ ఇందిరమ్మ ఇంటి నిర్మాణానికి ముఖ్యమంత్రి భూమిపూజ నిర్వహించారు. ఈ కార్యక్రమానికి మంత్రులు పొంగులేటి శ్రీనివాస్ రెడ్డి, సీతక్క, జూపల్లి కృష్ణారావు, దామోదర రాజనర్సింహ, సీఎం సలహాదారు వెం నరేందర్ రెడ్డి, ఎంపీ డీకే అరుణ, ఎమ్మెల్యేలు హాజరయ్యారు. వైద్య కళాశాలలో భవనాలకు శంకుస్థాపన : నారాయణపేట వైద్య కళాశాలలో భవనాలకు రేవంత్​ రెడ్డి శంకుస్థాపన చేశారు. రూ.130 కోట్లతో వైద్య కళాశాల, హాస్టల్ నిర్మాణానికి, రూ.26 కోట్లతో ప్రభుత్వ నర్సింగ్ కళాశాల నిర్మాణానికి, నారాయణపేటలో రూ.40 కోట్లతో 100 పడకల యూనిట్‌కు శంకుస్థాపన చేశారు. మారుమూల ప్రాంతంలో మెడికల్‌ కాలేజీ నిర్మించుకోవడం ఆనందంగా ఉందని రేవంత్ రెడ్డి అన్నారు. నారాయణపేట బహిరంగ సభలో సీఎం మాట్లాడుతున్నారు. ప్రత్యక్షంగా చూద్దాం