ఊరేగింపులో ఏనుగుల బీభత్సం- భక్తుల తోపులాట- అనేక మందికి గాయాలు! - Elephant Fight In Kerala Video

Elephant Fight In Kerala Video : కేరళలో దేవుని ఊరేగింపునకు తెచ్చిన రెండు ఏనుగులు బీభత్సం సృష్టించాయి. ఒకదానిపై ఒకటి దాడికి దిగాయి. దీంతో అక్కడ జరిగిన తొక్కిసలాటలో ముగ్గురు భక్తులు గాయపడ్డారు. ప్రస్తుతం ఈ ఏనుగల కొట్లాటకు సంబంధించిన వీడియో నెట్టింట్లో వైరల్​గా మారింది.  

ఇదీ జరిగింది
త్రిస్సూర్‌ జిల్లాలో అరట్టుపుజ ఆలయంలో శుక్రవారం రాత్రి ఆరాజ్‌ ఆచార దేవుని ఊరేగింపు నిర్వహించారు. ఇందుకోసం రెండు ఏనుగులను  నిర్వాహకులు తెచ్చారు. ఊరేంగింపులో వాటిలో ఒకటి అకస్మాత్తుగా మావటిని కిందపడేసి తొండంతో తోటి ఏనుగుపైకి దాడికి దిగింది. ఆ రెండు ఒకదానితో ఒకటి తలపడ్డాయి. చాలా సమయం భీకరంగా పోరాడిన రెండు గజాల్లో ఒకటి అక్కడి నుంచి పారిపోవడానికి ప్రయత్నించింది. ఈ ఘటనతో ఒక్కసారిగా ఉలిక్కిపడిన ప్రజలు తమను తాము రక్షించుకునేందుకు అక్కడి నుంచి పరుగులు తీశారు. భక్తులు భయాందోళనకు గురికావడం వల్ల అక్కడ తొక్కిసలాట జరిగింది. తొక్కిసలాటలో పలువురు గాయపడ్డారు. ప్రస్తుతం రెండు ఏనుగులకు సంబంధించిన పోరాట దృశ్యాలు నెట్టింట్లో వైరల్‌గా మారాయి.