రైల్వే స్టేషన్​ బయట కిలోమీటర్ వరకు ఎటుచూసినా జనం- దీపావళి ఎఫెక్ట్

Surat Railway Station Crowd : రైల్వే స్టేషన్​ బయట ఒక కిలోమీటర్ మేర ప్రయాణికులు బారులు తీరిన ఘటన గుజరాత్​లోని సూరత్​లో జరిగింది. సూరత్​లో నివసిస్తున్న యూపీ-బిహార్​కు చెందిన దాదాపు 10 లక్షల మంది ప్రజలు దీపావళి, ఛత్​పూజ సందర్భంగా స్వగ్రామాలకు బయలుదేరారు. వీరి కోసం పశ్చిమ రైల్వే అదనంగా 51 రైళ్లను కూడా నడుపుతోంది. కానీ ఇవేవీ సమయానికి రాకపోవడం వల్ల ప్రయాణికుల రద్దీ విపరీతంగా పెరిగింది. స్థానిక పోలీసులు, రైల్వే పోలీసులు, సెంట్రల్ పోలీసులు కూడా ఈ జనాలను అదుపు చేయలేకపోయారు. దీనితో సమస్య మరింత తీవ్రం అయ్యింది. కొందరు ప్రయాణికులు రెండు రోజులపాటు రైల్వే స్టేషన్​లోనే ఉండాల్సిన పరిస్థితి ఏర్పడింది. పై తరగతి టికెట్ ఉన్నవాళ్లు కూడా జనరల్ బోగీల్లో ఎక్కాల్సిన దుస్థితి వచ్చింది. దీనితో పిల్లలు, వృద్ధులు, మహిళలు చాలా ఇబ్బందిపడ్డారు. దీనికంతటికీ రైల్వే వ్యవస్థ వైఫల్యమే కారణమని ప్రయాణికులు ఆగ్రహం వ్యక్తం చేశారు.