First Oxygen Therapy Chamber in Hyderabad : హైద‌రాబాద్ మహా న‌గ‌రంలోని వైద్య చరిత్రలో హెచ్బీఓటీ సరికొత్త చరిత్ర సృష్టించనుంది. న‌గ‌రంలో ఇన్నాళ్లుగా అందుబాటులో లేని హైప‌ర్‌బేరిక్ ఆక్సిజన్ థెరపీ (హెచ్బీఓటీ) సాయంతో రాస్ మెడికల్ ఫిట్‌నెస్ సెంటర్ 20 మందికి విజ‌య‌వంతంగా చికిత్స అందించింది.
మరింత ఉత్సాహాం : హెచ్బీఓటీ అనేది ఒక నాన్ ఇన్వేజివ్ థెరపీ. శరీరం ఆరోగ్యంగా ఉండాలనుకునేవారు ప్రెష‌రైజ్డ్ ఛాంబర్లో 100 శాతం స్వచ్ఛమైన ఆక్సిజన్ పీల్చుకునే అవకాశం ఉంది. ఈ ఛాంబర్లో శరీరం మరింత మెరుగ్గా ఆక్సిజ‌న్‌ను తీసుకుంటుంది. యాంటీ ఏజింగ్ ప్రయోజనాలను ప్రోత్సహిస్తుంది. నాడీ, జీవక్రియ ఆరోగ్యానికి ఆక్సిజన్ థెరపీ మరింత ఉత్సాహాన్ని ఇస్తుంది. అలాగే రోగనిరోధక శక్తిని పెంచుతుంది.
ఇలా మొత్తం మానవుడి ఆరోగ్యాన్ని మెరుగుపరుస్తుంది. ఈ చికిత్సను ఇప్పటికే ప్రపంచవ్యాప్తంగా వైద్య నిపుణులు, అథ్లెట్లు, వెల్‌నెస్ ఔత్సాహికులు విస్తృతంగా ఉపయోగిస్తున్నారు. మొట్టమొదటి సారిగా హైద‌రాబాద్ న‌గ‌రంలో కూడా దాని ప్ర‌యోజ‌నాలు అంద‌రికీ అందుబాటులోకి వ‌చ్చాయి.
"మేము హైదరాబాద్లో మొట్టమొదటి హెచ్బీఓటీ(హైపర్‌బారిక్ ఆక్సిజన్ థెరపీ) ఛాంబర్‌ను ప్రారంభించడం ఎంతో ఆనందంగా ఉంది. ఇది మేక్ ఇన్ ఇండియా ఉత్పత్తిగా, ఆరోగ్య పునరుద్ధరణ, యాంటీ-ఏజింగ్ పరిష్కారాలను విప్లవాత్మకంగా మార్చుబోతుంది. ప్రేషరైజ్డ్ ఛాంబర్లో 100 శాతం స్వచ్ఛమైన ఆక్సిజన్ తీసుకోవడం ద్వారా కణాల పునరుద్ధరణ మెరుగుపడి రోగనిరోధక శక్తి పెరుగుతుంది" -సయ్యద్ ఖలీల్, ఫిజికల్ థెరపిస్ట్
యాంటీ ఏజింగ్, రిక‌వ‌రీ విష‌యంలో స‌మూల మార్పులు : రాస్ మెడికల్ ఫిట్‌నెస్ సెంట‌ర్‌ను ప్రారంభించిన‌ప్ప‌టి నుంచి రోగులు వేగంగా కోలుకోవ‌డానికి, వారి ఆరోగ్యం మెరుగుప‌డ‌డానికి సేవ‌లను అందిస్తోందని నిర్వాహకులు తెలిపారు. ఇప్ప‌టివ‌ర‌కు ప‌లు విభాగాల్లో ఊహించని ఫ‌లితాలు సాధించిందన్నారు. వాటిలో ప్ర‌ధాన‌మైంది యాంటీ ఏజింగ్, చ‌ర్మ పున‌రుజ్జీవ‌మని పేర్కొన్నారు.
వ‌య‌సుతో వ‌చ్చే స‌మ‌స్య‌ల‌కు స‌రైన ప‌రిష్కారం : హెచ్బీఓటీ చికిత్స వల్ల చ‌ర్మం పునరుజ్జీవం చెందుతుందని ఇప్పటికే సైంటిఫిక్గా రుజువైంది. బ‌య‌టి వాతావ‌ర‌ణంలో మ‌నం గాలి పీల్చుకునేట‌ప్పుడు అందులో 20 శాతం మాత్ర‌మే ఆక్సిజన్ ఉంటుంది. దాన్ని మ‌నం పీల్చుకుని, మ‌ళ్లీ 15 శాతం బ‌య‌ట‌కు వ‌దిలేస్తాం. అంటే, 5 శాతం ఆక్సిజన్ మాత్ర‌మే మ‌న శ‌రీరంలోకి వెళ్తుంది. కానీ, అదే హెచ్బీఓటీ ఛాంబర్లో అయితే మొత్తం 100 శాతం ఆక్సిజ‌నే ఉంటుంది.
చర్మంపై ముడతలు తగ్గిపోతాయి : మ‌న శరీర క‌ణ‌జాలం ఈ చికిత్స వల్ల చాలా ఆరోగ్యంగా త‌యార‌వుతుంది. ఎముక‌లు, కండ‌రాల‌కు వ‌య‌సుతో పాటే వాటిల్లే న‌ష్టాన్ని కూడా ఇది తగ్గిస్తుంది. దీనివ‌ల్ల గుండె కండ‌రాలు, ఊపిరితిత్తుల ప‌నితీరు చాలా మెరుగుప‌డుతుంది. గ‌తంలో షుగర్ బాధితులకు ఏవైనా గాయాలు అయిన‌ప్పుడు, లేదా శ‌స్త్రచికిత్స‌లు చేసిన‌ప్పుడు వారి చ‌ర్మం త్వ‌ర‌గా కోలుకునేందుకు వీలుగా ఇలాంటి చికిత్స‌లను వైద్యులు సూచించేవారు. కానీ, ఇప్పుడు సంపూర్ణ ఆరోగ్య‌వంతుల‌కు కూడా ఈ చికిత్స వల్ల చ‌ర్మంతో పాటు శరీరంలోని క‌ణాల‌న్నింటికీ కూడా ఎన‌లేని ప్ర‌యోజ‌నం చేకూరుతుంది. అవ‌న్నీ ఆరోగ్య‌వంతం కావ‌డంతో వ‌య‌సు ప్ర‌భావం వల్ల క‌నిపించే చ‌ర్మం ముడతలు, ఇత‌ర స‌మ‌స్య‌ల‌న్నీ కొంత మేర త‌గ్గిపోతాయని రాస్ మెడికల్ ఫిట్‌నెస్ సెంటర్ ప్రతినిధులు తెలిపారు.
ఇది కాక ఇంకా
దీర్ఘకాలిక అలసట : ఈ చికిత్స అలసటను తగ్గిస్తుంది. మానవ శక్తి సామ‌ర్థ్యాన్ని పెంపొందిస్తుంది.
డయాబెటిస్ : ర‌క్త ప్రసరణకు ఇది చాలా సహాయపడుతుంది. గాయం నయం చేసే ప్రకియను వేగవంతం చేస్తుంది. రక్తంలో షుగర్ కంటెంట్ శాతాన్ని స‌రిగ్గా ఉండేలా చూస్తుంది.
నాడీ స‌మ‌స్య‌లు: స్ట్రోక్, మెదడుకు అయ్యే గాయాలు. రోగులలో న్యూరోడీజెనరేటివ్ స‌మ‌స్య‌ల‌కు, జ్ఞాప‌క‌శ‌క్తి పునరుద్ధరణకు ఆక్సిజన్ థెరపీ సహాయపడుతుంది
ఒత్తిడి, జీవనశైలి పునరుద్ధరణ : ఆక్సీకరణ ఒత్తిడిని తగ్గిస్తుంది, మానసిక ప్రశాంతతను పెంచుతుంది.
ఆధునిక వైద్యం, చికిత్స‌ల‌లో గేమ్ ఛేంజ‌ర్‌ : అస‌లు మొదటి సారిగా ఆక్సిజన్ థెరపీని క‌నుగొన్నప్పుడు డ్రైవ‌ర్ల‌లో డీకంప్రెష‌న్ సిక్‌నెస్‌కు సంబంధించి చికిత్స చేయ‌డానికి ఉప‌యోగించేవారు. కానీ ఇప్పుడు దానివ‌ల్ల అనేక ప్ర‌యోజ‌నాలు క‌లుగుతున్నాయి. యాంటీ ఏజింగ్, జీవిత‌కాలాన్ని పెంచ‌డం, క్యాన్స‌ర్ చికిత్స‌ల వల్ల క‌లిగే దుష్ప్ర‌భావాలు, ముఖ్యంగా రేడియేష‌న్ వల్ల క‌లిగే న‌ష్టాల నుంచి కోలుకునేలా చేయ‌డం, జ్ఞాప‌క‌శ‌క్తిని మెరుగుప‌ర‌చ‌డం, ఒత్తిడి, నిద్ర‌లేమి లాంటి జీవనశైలి స‌మ‌స్య‌ల‌ను ప‌రిష్క‌రించ‌డం, అథ్లెట్ల సామ‌ర్థ్యాన్ని పెంచి, కండ‌రాలు కోలుకునేలా చేయ‌డం లాంటి అనేక ప్ర‌యోజ‌నాలు చేకూరుతున్నాయి.
