WTC Final Scenario :2025 వరల్డ్ టెస్టు ఛాంపియన్షిప్ ఫైనల్ రేసు రసవత్తరంగా మారింది. తాజాగా శ్రీలంకపై భారీ విజయంతో సౌతాఫ్రికా రెండో స్థానంలోకి దూసుకొచ్చింది. ప్రస్తుతం 61.10 పాయింట్ శాతంతో భారత్ టాప్లో ఉండగా, సౌతాఫ్రికా 59.260, ఆస్ట్రేలియా 57.690తో వరుసగా రెండు, మూడు ప్లేస్ల్లో కొనసాగుతున్నాయి. దీంతో టాప్ 2 స్థానాల కోసం భారత్, ఆస్ట్రేలియా, సౌతాఫ్రికా, న్యూజిలాండ్, శ్రీలంక జట్ల మధ్య తీవ్ర పోటీ నెలకొంది.
ఇక వరుసగా మూడోసారి ఫైనల్ బెర్త్పై టీమ్ఇండియా కన్నేసింది. ఇటీవల స్వదేశంలో కివీస్తో 3-0తో ఓడినా, ఆసీస్ గడ్డపై విజయంతో సిరీస్ ప్రారంభించి ఆశలు నిలుపుకుంది. అయితే శ్రీలంకపై సౌతాఫ్రికా విజయం సాధించడం వల్ల టీమ్ఇండియా ఫైనల్ సమీకరణాలు మారాయి. బోర్డర్- గావస్కర్ ట్రోఫీని భారత్ 5-0, 4-1, 4-0 లేదా 3-0తో కైవసం చేసుకుంటే నేరుగా ఫైనల్కు అర్హత సాధిస్తుంది. ఈ నాలుగు సమీకరణాల్లో భారత్ ఏ ఒక్క తేడాతోనైన సిరీస్ గెలుచుకోగలితే ఫైనల్ చేరుకోవడం పక్కా. ఇలా కాకుండా కింద పేర్కొన్న విధంగానూ భారత్ ఫైనల్ చేరుకోవచ్చు!
- భారత్ 3- 1తో గెలిస్తే : బోర్డర్-గావస్కర్ ట్రోఫీ సిరీస్‌ని భారత్ 3- 1తో నెగ్గినా డబ్ల్యూటీసీ ఫైనల్కు అర్హత సాధిస్తుంది. కానీ, శ్రీలంకతో జరిగే రెండో టెస్టులో సౌతాఫ్రికా ఓడిపోవాలి. ఒకవేళ ఆ మ్యాచ్ డ్రా అయినా కూడా ఆసీస్‌పై భారత్ 3-1తో గెలిస్తే ఫైనల్కు చేరుతుంది.
- భారత్ 3- 2తో గెలిస్తే : ఈ సిరీస్‌ను టీమ్ఇండియా 3- 2తో గెలిచినా డబ్ల్యూటీసీ ఫైనల్కు చేరుకుంటుంది. కానీ, సౌతాఫ్రికాతో జరనున్న రెండో టెస్టులో శ్రీలంక నెగ్గాలి. అలాగే ఆస్ట్రేలియాతో జరగనున్న టెస్టు సిరీస్లో ఒకటి డ్రా చేసుకోవాలి. ఈ సిరీస్ జనవరి 29 నుంచి శ్రీలంక వేదికగా మొదలవనుంది.
- 2 - 2తో డ్రా అయిన సరే : ఆసీస్తో ఐదు మ్యాచ్ల సిరీస్ 2-2తో డ్రా అయినా భారత్ వరల్డ్టెస్టు ఛాంపియన్షిప్ ఫైనల్ చేరడానికి ఛాన్స్లు ఉంటాయి. అయితే ఇతర సిరీస్ల్లో ఫలితాలు మనకు అనుగునంగా రావాల్సి ఉంటుంది. ప్రస్తుతం శ్రీలంకతో జరుగుతున్న సిరీస్‌ను సౌతాఫ్రికా 2-0 తేడాతో కైవసం చేసుకోవాలి. దీంతోపాటు ఆస్ట్రేలియాతో జరిగే 2 మ్యాచ్ల టెస్టు సిరీస్‌ను శ్రీలంక కనీసం 1-0తో దక్కించుకోవాలి. అలా జరిగితేనే బోర్డర్- గావస్కర్ ట్రోఫీని భారత్ 2- 2తో డ్రా చేసుకున్నా డబ్ల్యూటీసీ ఫైనల్కు చేరుతుంది.