Rinku Singh Car Gift To Father:టీమ్ఇండియా యంగ్ బ్యాటర్ రింకూ సింగ్ తన తండ్రికి ఓ ఖరీదైన కారు గిఫ్ట్గా ఇవ్వనున్నట్లు తెలుస్తోంది. 2023 ఆసియా క్రీడల్లో గోల్డ్ మెడల్ సాధించిన రింకూకు లఖ్నవూకు చెందిన ఓ ఫౌండేషన్ రీసెంట్గా రూ.3 కోట్ల నగదును అందించిందట. ఈ నగదుతో రింకూ తన తండ్రికి కారును బహుమతిగా ఇవ్వనున్నట్లు కథనాలు వస్తున్నాయి.
అదే కారణమా?అయితే రింకూ తండ్రి ఖాన్చంద్ర సింగ్ సిలిండర్లు డెలివరీ చేస్తున్న వీడియో ఒకటి రీసెంట్గా బయటకు వచ్చింది. ఈ వీడియో సోషల్ మీడియాలో బాగా వైరలైంది. కుమారుడు క్రికెటర్గా ఎదిగినప్పటికీ రింకూ తండ్రి సాధారణ వ్యక్తిగా అదే పని చేస్తున్నారంటూ ఖాన్సింగ్పై సోషల్ మీడియాలో ప్రశంసలు వెల్లువెత్తాయి. అయితే ఆ వీడియో ఎప్పడిదో అనే విషయంపై క్లారిటీ లేదు. కానీ, తండ్రికి కారు కొనాలని నిర్ణయించుకున్నందుకు రింకూపై ప్రశంసల జల్లు కురుస్తోంది.
Rinku Singh 5 Sixes: 2023 ఐపీఎల్లో గుజరాత్పై ఛేజింగ్లో ఆఖరి ఓవర్లో వరుసగా 5 సిక్స్లు బాదడం వల్ల రింకూ వెలుగులోకి వచ్చాడు. ఈ తర్వాత కూడా ఆడిన అన్ని మ్యాచ్ల్లోనూ అద్భుత ప్రదర్శన కనబర్చాడు. 2023 ఐపీఎల్లో అతడు 14 మ్యాచ్ల్లో 149.53 స్టైక్ రేట్తో 474 పరుగులు చేశాడు. ఈ క్రమంలో కేకేఆర్ జట్టులో అత్యధిక పరుగులు సాధించిన ప్లేయర్గా నిలిచాడు.