Paris Olympics 2024 Neeraj Chopra :పారిస్ ఒలింపిక్స్ 2024లో నీరజ్ చోప్రా జావెలిన్‌ త్రో ఈవెంట్లో ఫైనల్‌కు అర్హత సాధించాడు. గత టోక్యో ఒలింపిక్స్లో గోల్డ్ మెడల్ సాధించిన అతడిపై ఈసారి కూడా భారీ అంచనాలు ఉన్నాయి.
అయితే ఈ సమయంలో 'నీరజ్ చోప్రా గోల్డ్ గెలిస్తే లక్కీ విన్నర్కు ప్రైజ్మనీ' అంటూ టీమ్ఇండియా స్టార్ క్రికెటర్ రిషభ్ పంత్(Pant Prize Money) ఎక్స్‌ అకౌంట్లో ఓ పోస్ట్ కనిపించింది. "నీరజ్ చోప్రా స్వర్ణం సాధిస్తే ఒక లక్కీ విన్నర్కు రూ.1,00,089 ప్రైజ్ మనీ ఇస్తాను. ఎవరు అయితే లైక్స్‌ ఎక్కువ కొట్టి కామెంట్లు పెడతారో వారికే ఈ ఛాన్స్. దీంతో పాటే టాప్‌- 10లో ఉన్న వారికి విమాన టికెట్లను ఇస్తాను. భారత్‌ నుంచి మాత్రమే కాదు. ప్రపంచంలోని ఇతర ప్రాంతాల నుంచి కూడా మన నీరజ్కు మద్దతు ఇవ్వండి" అంటూ ఆ పోస్ట్లో రాసి ఉంది.