Suhas KeerthiSuresh New Movie :టాలీవుడ్ స్టార్ హీరోయిన్లలో కీర్తి సురేశ్ ఒకరు. మహానటి సినిమా నుంచి ఈ అందాల భామ మంచి గుర్తింపు తెచ్చుకుంది. ప్రస్తుతం తమిళం, మలయాళ, తెలుగు భాషల్లో సినిమాలు చేస్తూ స్టార్ హీరోయిన్గా రాణిస్తోంది. అటు అగ్రహీరోలతో కలిసి కమర్షియల్ సినిమాల్లో నటిస్తూనే ఫిమేల్ ఓరియెంటెడ్ సినిమాలతోనూ మంచి క్రేజ్ సంపాదించుకుంది. ఇప్పుడు పలు ప్రాజెక్టులతో బిజీబిజీగా ఉన్న కీర్తి సురేశ్ టాలీవుడ్ కమెడియన్ కమ్ హీరో సుహాస్తో నటించడానికి రెడీ అయింది.
షార్ట్ ఫిలిమ్స్తో మంచి గుర్తింపు తెచ్చుకుని సినిమాల్లో క్యారక్టర్ ఆర్టిస్టుగా రాణించిన నటుడు సుహాస్. కలర్ ఫోటో సినిమాతో హీరోగా ఎంట్రీ ఇచ్చాడు. హీరోగా మొదటి మూవీతో మంచి విజయం సాధించాడు. ఈ చిత్రానికి జాతీయ అవార్డు కూడా వచ్చింది. ఆ తర్వాత రైటర్ పద్మభూషణ్, అంబాజీపేట మ్యారేజీ బ్యాండు చిత్రాలతో మంచి సక్సెస్లను అందుకున్నారు. ప్రస్తుతం వరుస సినిమాలను లైన్లో పెడుతున్నారు. ఈ క్రమంలోనే ఆయన హీరోయిన్ కీర్తి సురేశ్తో కలిసి నటించే అవకాశాన్ని అందుకున్నారు.
సుహాస్-కీర్తిసురేశ్ ప్రధాన పాత్రాల్లో ఉప్పకప్పురంబు అనే మూవీ తెరకెక్కనుంది. ఐవి శశి ఈ మూవీ డైరెక్టర్. ఎల్లనార్ ఫిల్మ్ ప్రైవేట్ లిమిటెడ్ బ్యానర్ పై రాధికా లావు ఈ సినిమాను నిర్మిస్తున్నారు. వసంత్ మురళీ మరిగంటి కథను అందించనున్నారు. అయితే ఇది థియేటర్ రిలీజ్ కాదు. అమెజాన్ ప్రైమ్ ఓటీటీ కోసం రూపొందిస్తున్న ఒరిజినల్ సినిమా ఇది. ముంబయి వేదికగా జరిగిన ప్రైమ్ ఈవెంట్లో ఈ ప్రాజెక్టును అఫీషియల్గా ప్రకటించి టైటిల్ లాంఛ్ చేశారు. ఈ కార్యక్రమానికి కీర్తి సురేశ్ హాజరు కానప్పటికీ సుహాస్ మాత్రం వేదికపై సందడి చేశారు.