Allari Naresh Bachhala Malli Teaser : టాలీవుడ్ స్టార్ హీరో అల్లరి నరేశ్ లీడ్ రోల్లో రూపొందుతోన్న లేటెస్ట్ మూవీ 'బచ్చల మల్లి'. 1990స్ బ్యాక్డ్రాప్తో సాగనున్న ఈ సినిమాకు సంబంధించిన టీజర్ను మేకర్స్ గురువారం విడుదల చేశారు. ఇందులో ఆయన మాస్ లుక్లో కనిపించి ఆకట్టుకున్నారు. 'నేను ఎవ్వరి కోసం మారను నాకు నచ్చినట్లు నేను బతుకుతాను' అంటూ నరేశ్ రా అండ్ రస్టిక్గా కనిపించి మెరిశారు. టీజర్ ఆద్యంతం యాక్షన్ అండ్ ఎమోషనల్ కంటెంట్తో నడిచింది.
కథ విషయానికి వస్తే
ఆంధ్రప్రదేశ్‌లోని తుని ప్రాంతంలో జరిగిన కొన్ని వాస్తవ ఘటనల ఆధారంగా సినిమాను తెరకెక్కించనున్నట్లు సమాచారం. డైరెక్టర్ సుబ్బు ఈ సినిమాను భారీ అంచనాలతో తెరకెక్కిస్తున్నారు. అంతేకాకుండా ఈ మూవీ రైటర్ కూడా ఆయనే. హాస్య మూవీస్ బ్యానర్ పై రాజేశ్ దండ, బాలాజీ గుత్తా ఈ చిత్రాన్ని సంయుక్తంగా నిర్మిస్తున్నారు.
ఇందులో అల్లరి నరేశ్ సరసన అమృత అయ్యర్ ఫీమేల్ లీడ్గా కనిపిస్తుండగా, ఇతర కీలక పాత్రల్లో రావు రమేశ్, రోహిణీ అచ్చుత్ కుమార్, బలగం జయరాం, హరి తేజ, వైవా హర్ష ప్రవీణ్ కనిపించనున్నారు. విశాల్ చంద్రశేఖర్ ఈ సినిమాకు సంగీతం సమకూరుస్తున్నారు. ఫుల్ మాస్ స్టోరీతో అలరించేందుకు రెడీ అవుతోన్న డిసెంబర్ 20న రిలీజ్ కానుంది.
ఇంట్రెస్టింగ్గా ఫస్ట్ లుక్ పోస్టర్
పేరు: మళ్ళీ, ఇంటిపేరు : బచ్చల, చేసేది : ట్రాక్టర్ డ్రైవెర్. "ఈ బచ్చల మల్లి ఖచ్చితంగా మీకు చాలా రోజులు గుర్తుండిపోతారు". అంటూ హీరో ఫస్ట్ లుక్ పోస్టర్ను గతంలో రివీల్ చేశారు మేకర్స్. దాన్ని చూస్తే నరేశ్ ఈ చిత్రంలో ఒక లోకల్ రౌడీ పాత్ర పోషించనున్నట్లు తెలుస్తోంది. అందుకోసమే ఆయన ఈ కథకు తగ్గట్టుగా గడ్డం పెంచుకుని, మెడలో తాయెత్తు, చేతికి కాశీ దారం ఇలా ఫుల్ మాస్ లుక్లో కనిపించారు. అంతేకాకుండా ఓ రిక్షా మీద కూర్చొని బీడీ తాగుతున్నట్లు కూడా ఆ పోస్టర్లో చూడొచ్చు. ఇలా పలు మాస్ ఎలిమెంట్స్తో ఉన్న ఈ ఫొటో ప్రస్తుతం మూవీ లవర్స్ను తెగ ఆకట్టుకుంటోంది.
Presenting to you, Bachhala Malli🔥 pic.twitter.com/LLMtKXmrOX
— Allari Naresh (@allarinaresh) May 28, 2024
