Mahesh Babu New Stylish look :ఈ ఏడాది సంక్రాంతికి గుంటూరు కారం చిత్రంతో ప్రేక్షకుల్ని అలరించిన సూపర్ స్టార్ మహేశ్ బాబు ప్రస్తుతం దర్శకధీరుడు రాజమౌళితో చేయబోయే సినిమా SSMB 29 కోసం సిద్ధం అవుతున్నారు. జక్కన్నతో సినిమా అంటే దాదాపుగా మూడు నాలుగేళ్లు పట్టేస్తుంది. అయితే ఆ మధ్య రాజమౌళి - బయట ఎక్కడా కనిపించకూడదంటూ సూపర్ స్టార్కు కండిషన్ పెట్టినట్లు వార్తలు వచ్చాయి. దీంతో మహేశ్ అభిమానులు కాస్త ఫీలయ్యారు. కానీ మహేశ్ మాత్రం అలా ఏమీ కాకుండా ఎప్పటిలాగానే సోషల్ మీడియాలో కనిపిస్తూ సందడి చేస్తున్నారు.
ఇంకా చెప్పాలంటే మరింత గ్లామర్గా లేటెస్ట్ లుక్స్ పోస్ట్ చేస్తూ కనువిందు చేస్తున్నారు. తాజాగా మరో ఫొటోషూట్తో కనిపించి అదరగొట్టేశారు. సింపుల్గా ప్లెయిన్ గ్రీన్ కలర్ టీషర్ట్లో కనిపించి ఆకట్టుకున్నారు. మరో పిక్లో లైట్ బ్లూ కలర్ చెక్స్ షర్ట్లో సూపర్గా కనిపించారు. ముఖ్యంగా ఆయన మెయిన్ టెయిన్ చేస్తున్న లాంగ్ హెయిర్ భలే ఉంది. పొదల మధ్యలో ఈ ఫొటోషూట్ చేసినట్లు బ్యాక్గ్రౌండ్ చూస్తుంటే అర్థమవుతోంది. ప్రస్తుతం సోషల్ మీడియా అంతా ఇవే కనపడుతున్నాయి. ఫ్యాన్స్ మరోసారి వీటిని చూస్తూ ఫిదా అయిపోతున్నారు.
ఇకపోతే మహేశ్ నటించిన చివరి సినిమా గుంటూరు కారం బాక్సాఫీస్ ముందు అంతగా హిట్ టాక్ తెచ్చుకోలేదు. డివైడ్ టాక్ తెచ్చుకుంది. కానీ వసూళ్లు బానే వచ్చినట్లు మూవీటీమ్ చెబుతోంది. అయితే ఈ మూవీ రిజల్ట్ను పక్కన పెట్టేసి రాజమౌళి మూవీ కోసం సన్నద్ధం అవుతున్నారు మహేశ్. ఈ మూవీ స్క్రిప్ట్ వర్క్ పూర్తైపోయింది. ప్రీ ప్రొడక్షన్ పనులు జరుగుతున్నాయి. ఆర్టిస్టులను ఫైనల్‌ చేసే పనిలో ఉన్నారు. త్వరలోనే మూవీ సెట్స్పైకి వెళ్లనుంది.