Actor Balakrishna Launched Mart in Nacharam : సాంకేతికంగా విడిపోయినా తెలుగువాళ్లందరూ ఒకటేనని, మన ఆలోచనలన్నీ ఒకటేనని సినీహీరో బాలకృష్ణ అన్నారు. ప్రస్తుతం అన్నీ దేశాల్లో తెలుగువారు రాణిస్తున్నారని తెలిపారు. విదేశాల్లో వివిధ రంగాలతోపాటు రాజకీయాలోనూ తెలుగువారు రాణిస్తున్నారని పేర్కొన్నారు. ఇది మన దేశానికే గర్వకారణమని అన్నారు.
ఇవాళ నాచారంలో సినీహీరో బాలకృష్ణ ఓ హైపర్ మార్కెట్‌ను ప్రారంభించారు. ఈ క్రమంలో బాలకృష్ణను చూసేందుకు అభిమానులు భారీ సంఖ్యలో తరలివచ్చారు. ఈ సందర్భంగా మీడియాతో మాట్లాడిన ఆయన, ప్రస్తుతం కొనుగోలుదారులంతా ఫ్యాషన్, ఫుడ్, ఫన్ ఈ మూడు ఒకే చోట ఉన్న మార్కెట్కు రావడానికి ఆసక్తి చూపుతున్నారని వివరించారు. నాచారానికి తాను లోకల్ అని, ఇక్కడున్న స్టూడియోకు బైక్‌పై వచ్చేవారినని గుర్తు చేసుకున్నారు. ఎంబీబీఎస్ విద్యార్థులకు ఎమ్మెల్యే బండారి లక్ష్మారెడ్డి ఆర్థిక సాయం అందిస్తున్నారని, ఇప్పటి వరకు ఎంతో మందికి సాయం చేశారని అభినందించారు.
'మనం సాంకేతికంగా విడిపోయినా తెలుగువాళ్లు అంత ఒకటే. అన్నీ దేశాల్లో తెలుగువారు రాణిస్తున్నారు. నేను నాచారానికి లోకల్. గతంలో స్టూడియోకు బైక్పైనే వెళ్లాను'- బాలకృష్ణ, సినీ హీరో
పోలవరంలో సందడి చేసిన నితిన్, శ్రీలీల - భారీగా తరలివచ్చిన అభిమానులు
'అందుకు అనుమతులు తీసుకోండి' : సినీనటుడు అలీకి అధికారుల నోటీసులు
