Pushpa 2 VS Chhava : సోషల్ మీడియాలో 'పుష్ప 2' తుపాను మొదలైపోయింది. మరో వారం రోజుల్లో సినిమా విడుదల కానున్న నేపథ్యంలో ఎక్కడ చూసినా పుష్ప రాజ్ మేనియానే కనపడుతోంది. డిసెంబర్ 5న బాక్సాఫీస్ ముందుకు రానున్న ఈ చిత్రం కచ్చితంగా భారీ వసూళ్లను సాధిస్తుందని అంతా ఆశిస్తున్నారు.
పైగా పుష్ప రాజ్కు సౌత్ కన్నా నార్త్లో మరింత క్రేజ్ ఎక్కువ! మొదటి భాగం విడుదల సమయంలోనే నార్త్లో పుష్పకు ఊహించని రేంజ్లో కలెక్షన్స్ వచ్చాయి. అక్కడి వారంతా పుష్ప రాజ్ యాటిట్యూడ్ యాక్టింగ్కు ఫిదా అయిపోయారు. దీంతో బాలీవుడ్లో పుష్ప 2పై భారీ అంచనాలు ఏర్పడ్డాయి. అక్కడి వాళ్లంతా ఈ సినిమా కోసం ఎంతో అతృతగా ఎదురు చూస్తున్నారు.
Chhava 2 Movie Postpone : అయితే బీటౌన్లో పుష్ప 2కు పోటీగా 'ఛావా' సినిమా విడుదలకు సిద్ధమైన సంగతి తెలిసిందే. డిసెంబర్ 6న బాక్సాఫీస్ ముందుకు వచ్చేలా ప్లాన్ చేసుకుంది. కానీ ఇప్పుడు తన నిర్ణయాన్ని మార్చుకుంది. పుష్ప 2కు ఉన్న క్రేజ్ దృష్ట్యా వెనక్కి తగ్గినట్లు తెలుస్తోంది. ఈ సినిమా వాయిదా వేసినట్లు మూవీ టీమ్ అఫీషియల్గా ప్రకటించింది. డిసెంబర్ 6 నుంచి ఫిబ్రవరి 14కు వాయిదా పడినట్లు తెలిపింది.
మరో విషయమేమిటంటే పుష్ప 2లో హీరోయిన్ రష్మిక శ్రీవల్లిగా నటించింది. ఛావాలోనూ ఆమెనే శంభాజీ భార్య ఏసుబాయి పాత్రలో నటించింది. దీంతో ఒక్క రోజు గ్యాప్లోనే రష్మిక నటించిన రెండు సినిమాలు రిలీజ్ అవుతాయని అంతా అనుకున్నారు. కానీ ఇప్పుడు ఛావా వెనక్కి తగ్గింది. దీంతో ఆమె ఈ ఏడాది పుష్ప 2 ముగించి, వచ్చే ఏడాది ఛావాతో ప్రారంభించనుందన్నమాట.
'ఛావా' విషయానికొస్తే విక్కీ కౌశల్ ప్రధాన పాత్రలో నటించారు. ఛత్రపతి శివాజీ మహరాజ్‌ కుమారుడు శంభాజీ మహరాజ్‌ జీవిత చరిత్ర ఆధారంగా దీన్ని రూపొందించారు. లక్ష్మణ్‌ ఉటేకర్‌ దర్శకత్వం వహించారు. ఈ ప్రాజెక్ట్‌ కోసం విక్కీ కౌశల్ గుర్రపు స్వారీ, కత్తిసామును ప్రత్యేకంగా నేర్చుకున్నారు.
ఓటీటీలోకి వచ్చేసిన రూ.100 కోట్ల 'లక్కీ భాస్కర్' - ఎక్కడ చూడాలంటే?
'మాటిస్తున్నా, ఇకపై అలా చేస్తా' : ప్రభాస్ బాటలోనే అల్లు అర్జున్!
