Sri Devi Drama Company Promo:ఈటీవీ టెలివిజన్లో ప్రసారమయ్యే కామెడీ ప్రోగ్రామ్స్లో శ్రీదేవి డ్రామా కంపెనీ ఒకటి. బుల్లితెరపై దాదాపు గంటన్నరసేపు నాన్స్టాప్ కామెడీ స్కిట్లతో ప్రేక్షకులను నవ్విస్తూ ఎంటర్టైన్ చేస్తుందీ షో. తాజాగా ఈ షో ప్రోమో విడుదలైంది. ఈ వారం ఎపిసోడ్లో రీసెంట్ హిట్ సినిమా మంగళవారం స్పూఫ్తో ఆది స్కిట్ ఇంట్రెస్టింగ్గా ఉంది.
అయితే ఈసారి కాస్త స్పెషల్గా రీసెంట్ సోషల్ మీడియా ట్రెండింగ్ 'కుమారి ఆంటీ'తోపాటు 90's మిడిల్ క్లాస్ బయోపిక్ వెబ్సిరీస్ టీమ్ కూడా షోకు వచ్చారు. ఆమెతో కలిసి టీమ్ అంతా స్కిట్ చేయడం నవ్వులు తెప్పిస్తుంది. ఇక 2022 ఆసియా క్రీడల్లో కాంస్య పతకం నెగ్గిన హైదరాబాద్ అథ్లెట్ నందిని అగసర ఎపిసోడ్లో హైలైట్గా మారింది. పేదరికంతో గడుపుతున్న ఆమెకు హైపర్ ఆది సహా ఇంకొందరు ఆర్థిక సాయం ప్రకటించడం ఆకట్టుకుంది. ఫిబ్రవరి 18న టెలికాస్ట్ అయ్యే ఈ ఎపిసోడ్ ప్రోమోను చూసేయండి మరి.
సుమ అడ్డా: ఈటీవీలో ప్రతి శనివారం ప్రసారమయ్యే 'సుమ అడ్డా' ప్రోగ్రామ్ సందడిగా సాగుతోంది. ఈ వారం 'ఊరు పేరు భైరవకోన ' మూవీ టీమ్ గెస్ట్లుగా హాజరై సందడి చేశారు. హీరో సందీప్ కిషన్, హీరోయిన్ వర్ష బొల్లమ్మ స్పెషల్ స్పెషల్ అట్రాక్షన్గా నిలిచారు. ఫిబ్రవరి 17న ప్రసారమయ్యే ఈ ఎపిసోడ్ ప్రోమో చూశారా?