Manchu Vishnu Kannappa Release Date:మంచు విష్ణు డ్రీమ్ ప్రాజెక్ట్గా తెరకెక్కుతున్న 'కన్నప్ప' సినిమా గురించి ఓ వార్త నెట్టింట వైరలవుతోంది. మూవీటీమ్ ఈ సినిమా రిలీజ్పై కసరత్తులు చేస్తున్నట్లు తెలుస్తోంది. రీసెంట్గా న్యూజిలాండ్లో షూటింగ్కు సంబంధించి ఓ షెడ్యూల్ పూర్తి చేసుకొని భారత్కు తిరిగి వచ్చారట. ఈ సినిమాలో కీ రోల్లో నటిస్తున్న రెబల్స్టార్ ప్రభాస్ కూడా త్వరలోనే కన్నప్ప టీమ్తో జాయిన్ కానున్నట్లు తెలిసింది.
ఇక మిగిలిన షూటింగ్, పోస్ట్ ప్రొడక్షన్ పనుల్లో స్పీడ్ పెంచి సినిమాను త్వరగా కంప్లీట్ చేయాలని మేకర్స్ భావిస్తున్నారట. షెడ్యూల్ కంటే ముందే పనులన్నీ పూర్తి చేసి, 2024 సినిమాను ప్రేక్షకుల ముందుకు తీసుకొచ్చేందుకు మేకర్స్ ప్లాన్ చేస్తున్నారట. ఆధ్యాత్మిక జానర్ సినిమా కాబట్టి పండగ సమయంలో మంచి ఆదరణ లభించవచ్చని మూవీయూనిట్ భావిస్తున్నట్లు టాక్. అంతకుముందే హీరో మంచు విష్ణు సినిమాను భారీ స్థాయిలో ప్రమోట్ చేయాలని ప్లాన్ చేస్తున్నారట. పాన్ఇండియా లెవెల్లో రిలీజ్ అయ్యే ఈ సినిమాను ఆయా భాషల్లో స్థానిక హీరోలతో ప్రమోట్ చేసేలా ప్లాన్ చేస్తున్నట్లు తెలిసింది.
2024 Dasara Boxoffice Fight: అయితే రామ్చరణ్ 'గేమ్ ఛేంజర్', జూనియర్ ఎన్టీఆర్ 'దేవర- పార్ట్ 1' సినిమాలు కూడా ఈ దసరానే టార్గెట్ చేసుకున్నాయట. దీంతో కన్నప్ప కూడా అదే సమయంలో వస్తే, సంక్రాంతిలాగే బాక్సాఫీస్ వద్ద ఫైట్ తప్పనిసరి. ఒకవేళ ఈ సినిమాలు పోస్ట్పోన్ అయితే కన్నప్పకు లైన్ క్లియర్ అవుతుంది. కానీ, ఈ విషయంపై మూడు సినిమాల నుంచి అధికారిక ప్రకటన రావాల్సి ఉంది. చూడాలి మరి ఈ దసరాకు బాక్సాఫీస్ పోటీ ఎలా ఉండనుందో?