Tata Cars Get 2025 Update: వాహన ప్రియులకు గుడ్న్యూస్. ఈ ఏడాది మంచి కారు కొనాలని చూస్తున్నారా? అయితే ఈ స్టోరీ మీకోసమే. మార్కెట్లోకి ఒకేసారి అదిరే ఫీచర్లతో మూడు కార్లు ఎంట్రీ ఇచ్చాయి. దేశంలోని ఆటోమొబైల్ ఇండస్ట్రీలో తనకంటూ ఓ ప్రత్యేకతను సంపాదించుకున్న టాటా మోటార్స్ వీటిని తీసుకొచ్చింది.
తక్కువ ధరలో నాణ్యమైన కార్లను అందించడంలో ఈ సంస్థకు తమదైన గుర్తింపు ఉంది. టాటా మోటార్స్ నుంచి వచ్చిన టియాగో, టిగోర్ మోడల్స్ అత్యంత ప్రజాదరణను పొందాయి. ఇవి ఇండియన్ మార్కెట్లో మంచి సేల్స్ను రాబట్టి కంపెనీకి లాభాలు తెచ్చిపెట్టాయి. వీటి EV వెర్షన్ కూడా ఈ లైనప్ను మరింత బలోపేతం చేస్తున్నాయి. దీంతో కంపెనీ ఇప్పుడు ఈ కార్లను MY25 ఫీచర్లతో అప్డేట్ చేసి రిలీజ్ చేసింది.
టాటా టియాగో (ICE and EV) అప్డేట్స్: అత్యంత ప్రజాదరణ పొందిన ఇండికా కారుకు సక్సెసర్గా కంపెనీ టాటా టియాగోను ప్రారంభించింది. ఇది మోస్ట్ అఫర్డబుల్ అండ్ ఎంట్రీ లెవల్ కారు. కస్టమర్ల అవసరాలకు అనుగుణంగా కంపెనీ ఈ కారును ఇప్పటికే చాలాసార్లు అప్డేట్ చేసింది. తాజాగా మరిన్ని అప్డేట్లతో 2025 టాటా టియాగోను ఇండియాలో ప్రారంభించింది.
టియాగో పెట్రోల్, పెట్రోల్ + CNG వేరియంట్లను కంపెనీ అలాగే ఉంచింది. దీని ప్రారంభ ధర రూ. 4.99 లక్షలు (ఎక్స్-షోరూమ్). అయితే దాని టాప్-స్పెక్ వేరియంట్ ధర రూ. 8.2 లక్షలు (ఎక్స్-షోరూమ్). మరోవైపు దాని ఎలక్ట్రిక్ వెర్షన్ 2025 టియాగో EV కారును రూ. 7.99 లక్షల (ఎక్స్-షోరూమ్) ప్రారంభ ధరతో తీసుకొచ్చింది.
దీని డిజైన్ విషయానికి వస్తే.. 2025 టియాగో, టియాగో EV కార్లకు కొత్త అప్పర్ ఫ్రంట్ గ్రిల్ అందించారు. దీంతో ఇకపై ఇది ఇప్పటి వరకూ కొనసాగిన ట్రై-యారో ప్యాటెర్న్ను కలిగి ఉండదు. అంతేకాక కంపెనీ వీటిని కొత్త క్యాండీ కలర్స్లో తీసుకొచ్చింది. దీని ICE మోడల్ లోవర్ గ్రిల్‌లో క్షితిజ సమాంతరంగా కాంట్రాస్టింగ్ క్రోమ్ ఎలిమెంట్స్ను కలిగి ఉంది. టియాగో EV లోవర్ గ్రిల్ బాడీ-కలర్డ్ ఎలిమెంట్స్తో వస్తుంది.
ఇది కాకుండా ఈ రెండు కార్లలోనూ కొత్త హెడ్‌లైట్లు అందించారు. ఈ రెండూ LED రిఫ్లెక్టర్ సెటప్‌ను కలిగి ఉన్నాయి. ఇది హాలోజన్ ప్రొజెక్టర్ సెటప్లో ఉంటుంది. LED DRLలు, ఫాగ్ లైట్లు అలాగే ఉంచారు. వీటి ఫ్రంట్ బంపర్ షేప్ కూడా అలాగే ఉంది. ఇక దీని 15-అంగుళాల అల్లాయ్ వీల్ డిజైన్ ICE మోడల్ మాదిరిగానే ఉంటుంది.
కారులోని ఇతర ఎక్స్టీరియర్ మార్పులలో షార్క్-ఫిన్ యాంటెన్నా కూడా ఉంది. దీని ఇంటీరియర్ ఇప్పుడు వైర్‌లెస్ ఆండ్రాయిడ్ ఆటో, యాపిల్ కార్‌ప్లేకు సపోర్ట్ ఇచ్చే 10.25-అంగుళాల ఇన్ఫోటైన్‌మెంట్ స్క్రీన్‌ను కలిగి ఉంది. దీనితో పాటు కారు పుష్-బటన్ స్టార్ట్, ఇల్యూమినేటెడ్ లోగోతో టాటా నెక్సాన్ మాదిరిగా న్యూ టూ-స్పోక్ స్టీరింగ్‌ను కలిగి ఉంది. దీనికి అధునాతన ఇన్స్ట్రుమెంట్ క్లస్టర్ కూడా లభిస్తుంది. ఇతర ముఖ్యమైన ఫీచర్ల గురించి చెప్పాలంటే ఇందులో క్రూయిజ్ కంట్రోల్, TPMS, టైప్-C ఛార్జింగ్ పోర్ట్తో పాటు అనేక ఇతర ఫీచర్లు కూడా ఉన్నాయి.
2025 టాటా టిగోర్ అప్డేట్స్: టాటా టియాగో, టియాగో EV లతో పాటు కంపెనీ టిగోర్ ICE మోడల్‌ను కూడా అప్డేట్ చేసింది. అయితే 2025 టిగోర్ EV గురించి కంపెనీ ఎటువంటి సమాచారం అందలేదు. అయితే 2025 టిగోర్ సూపర్ఫిషియల్ లెవెల్లో 2025 టియాగో మాదిరిగానే ముందు భాగాన్ని కలిగి ఉంది. దీని అప్పర్ గ్రిల్‌పై క్రోమ్ హైలైట్స్ను కలిగి ఉంది. ఇది ప్రత్యేకమైన విజువల్ డిఫరెన్స్ను క్రియేట్ చేస్తుంది.
2025 టిగోర్లో 10.25-అంగుళాల ఇన్ఫోటైన్‌మెంట్ స్క్రీన్‌ ఉంది. ఇది వైర్‌లెస్ ఆండ్రాయిడ్ ఆటో, యాపిల్ కార్‌ప్లేకు సపోర్ట్ చేస్తుంది. అయితే కొత్త టిగోర్లో ఇప్పుడు 2025 టియాగో కంటే ఎక్కువ ఫీచర్లు ఉన్నాయి. ఎందుకంటే ఇది XZ+ ట్రిమ్ ఆధారంగా అదిరే ఫీచర్లతో కొత్త లక్స్ టాప్-వేరియంట్‌ను కలిగి ఉంది.
ఇంకా దీనిలో ఉన్న ఫీచర్ల గురించి చెప్పాలంటే.. ఈ కారులో పుష్-బటన్ స్టార్ట్‌తో కీలెస్ ఎంట్రీ, 360-డిగ్రీ కెమెరా ఉన్నాయి. వీటితో పాటు ఇందులో ప్రత్యేక ఫ్రంట్ సెంటర్ ఆర్మ్‌రెస్ట్, డ్యూయల్-టోన్ క్యాబిన్ థీమ్, టాటా నెక్సాన్ మాదిరిగా కొత్త లెదర్-రాప్డ్ 2-స్పోక్ స్టీరింగ్ వీల్ వంటి ఫీచర్లను అందించారు.
టియాగో ICE, టియాగో EV, టిగోర్ మోడల్స్ పవర్‌ట్రెయిన్: 2025 టియాగో, 2025 టిగోర్ కార్లలో ఇప్పటికే ఉన్న 1.2-లీటర్, 3-సిలిండర్ NA పెట్రోల్ ఇంజిన్ను అమర్చారు. ఇది డ్యూయల్-సిలిండర్ i-CNG టెక్నాలజీ ఆప్షన్ను కూడా కలిగి ఉంది. అదే సమయంలో 2025 టియాగో EV మునుపటి లాగానే 19.2 kWh, 24 kWh బ్యాటరీ ప్యాక్ ఆప్షన్లను కలిగి ఉంది. ఇది ఒక్కసారి ఛార్జ్ చేస్తే గరిష్టంగా 315 కిలోమీటర్ల రేంజ్ను అందిస్తుంది.
50 మెగాపిక్సెల్ ఫ్రంట్ కెమెరా, పవర్ఫుల్ ప్రాసెసర్తో ఒప్పో రెనో 13 సిరీస్- ధర ఎంతంటే?
కొత్త నంబర్ల నుంచి మిస్డ్కాల్స్ వస్తున్నాయా?- తిరిగి చేశారో ఇక అంతే!- అలాంటి సమయంలో ఏం చేయాలంటే?
Jio vs Airtel: తక్కువ ధరలో ఎక్కువ రోజుల వ్యాలిడిటీ- బెస్ట్ రీఛార్స్ ప్లాన్స్ ఇవే!
