భారీ నష్టాలతో ముగిసిన స్టాక్ మార్కెట్లు- బ్యాంకింగ్, టెక్, మెటల్​ షేర్లు పతనం

Stock Market Today 23 January 2024 : మంగళవారం దేశీయ స్టాక్ మార్కెట్లు భారీ నష్టాలతో ముగిశాయి. బీఎస్​ఈ సెన్సెక్స్​ 1053 పాయింట్లు, నిఫ్టీ 333 పాయింట్లు మేర నష్టపోయాయి. బ్యాంకింగ్, టెక్, మెటల్​ షేర్లు భారీగా పతనం కావడమే ఇందుకు కారణం.

Stock Market Today 23 January 2024 :మంగళవారం దేశీయ స్టాక్ మార్కెట్లు మంచి లాభాలతో ప్రారంభమై, భారీ నష్టాలతో ముగిశాయి. బ్యాంకింగ్, టెక్, మెటల్​ షేర్లు భారీగా పతనం కావడమే ఇందుకు కారణంగా తెలుస్తోంది. బొంబాయి స్టాక్ ఎక్స్ఛేంజ్​ సూచీ సెన్సెక్స్​ ఏకంగా 1053 పాయింట్లు నష్టపోయి 70,370 వద్ద స్థిరపడింది. జాతీయ స్టాక్ ఎక్స్ఛేంజీ సూచీ నిఫ్టీ 333 పాయింట్లు కోల్పోయి 21,238 వద్ద ముగిసింది.

• లాభపడిన షేర్లు : సన్​ఫార్మా, భారతీ ఎయిర్​టెల్​, ఐసీఐసీఐ బ్యాంక్​, టీసీఎస్​, బజాజ్​ ఫిన్​సెర్వ్
• నష్టపోయిన షేర్లు : ఇండస్ఇండ్ బ్యాంక్​, ఎస్​బీఐ, హెచ్​డీఎఫ్​సీ బ్యాంక్​, యాక్సిస్ బ్యాంక్​, బజాజ్​ ఫైనాన్స్​, టాటా స్టీల్​, ఎల్​ అండ్​ టీ, విప్రో

జీ-ఎంటర్​టైన్​మెంట్​ షేర్ల పతనం
ZEE Shares : సోనీ కంపెనీ విలీన ఒప్పందాన్ని రద్దు చేసుకోవడం వల్ల జీ ఎంటర్​టైన్మెంట్ షేర్లు భారీగా (30%) పతనం అయ్యాయి. హెచ్​డీఎఫ్​సీ బ్యాంకు, రిలయన్స్​ షేర్లు కూడా బాగా నష్టపోయాయి.

అంతర్జాతీయ మార్కెట్స్​
Global Markets 23 January 2024 : ఆసియా మార్కెట్లలో హాంకాంగ్​కు చెందిన హ్యాంగ్​సెంగ్​, చైనాకు చెందిన షాంఘై మంచి లాభాలతో స్థిరపడ్డాయి. జపాన్​కు చెందిన నిక్కీ మాత్రం స్వల్ప నష్టాలతో ముగిసింది. మరోవైపు యూరోపియన్ మార్కెట్లు నష్టాలతో ట్రేడ్ అవుతున్నాయి. సోమవారం యూఎస్​ మార్కెట్లు లాభాలతో ముగిసిన విషయం తెలిసిందే.

విదేశీ పెట్టుబడులు
FII Investments In India : ఎక్స్ఛేంజ్ డేటా ప్రకారం, విదేశీ సంస్థాగత పెట్టుబడిదారులు శనివారం రూ.545.58 కోట్ల విలువైన పెట్టుబడులను ఉపసంహరించుకున్నారు.

రూపాయి విలువ
Rupee Open 23 January 2024 : అంతర్జాతీయ మార్కెట్​లో రూపాయి విలువ 9 పైసలు తగ్గింది. ప్రస్తుతం డాలర్​తో పోలిస్తే రూపాయి మారకం విలువ రూ.83.16గా ఉంది.

ముడి చమురు ధరలు
Crude Oil Price 23 January 2024: అంతర్జాతీయ మార్కెట్లో ముడిచమురు ధరలు 0.40 శాతం మేర తగ్గాయి. ప్రస్తుతం బ్యారెల్ ముడి చమురు ధర 79.74 డాలర్లుగా ఉంది.