Kuldeep Yadav On RCB : కప్ గెలవన్నప్పటికీ ఐపీఎల్లో మోస్ట్ ఫ్యాన్ ఫాలోయింగ్ ఉన్న టీమ్స్లో రాయల్ ఛాలెంజర్స్ బెంగళూరు ఒకటి. ఇండియాలోనే కాకుండా వరల్డ్వైడ్గా ఈ జట్టుకు అభిమానులు ఎక్కువగానే ఉన్నారు. ఎంతో మంది స్టార్ క్రికెటర్లు ఈ జట్టులో సత్తా చాటినప్పటికీ తుది పోరు వరకూ నెట్టుకు రాలేకపోయారు. దీంతో ఈ ఫ్రాంచైజీ ఇప్పటివరకూ కప్ను ముద్దాడలేకపోయింది. అయితే తాజాగా టీమ్ఇండియా స్పిన్నర్ కుల్దీప్ యాదవ్ ఆర్సీబీపై సెటైర్లు వేశారు. దీనికి సంబంధించిన వీడియో నెట్టింట తెగ ట్రెండ్ అవుతోంది. ఇంతకీ అతడు ఏమన్నాడంటే?
ఇటీవల ఓ ప్రముఖ స్పోర్ట్స్ యూట్యూబ్ ఛానల్కు చెందిన లైవ్ సెషన్‌లో పాల్గొన్నారు. ఆ సమయంలో ఓ ఆర్సీసీబీ ఫ్యాన్ కుల్దీప్ తమ జట్టులో చేరాలని కోరాడు. "బెంగుళూరు ఫుట్‌బాల్ టీమ్లో గోల్ కీపర్ పోస్ట్ ఖాళీగా ఉంది దానికోసం మీరు టీమ్లో చేరాలి" అని అన్నాడు. దానికి కుల్దీప్ సెటైరికల్గా బదులిచ్చాడు.
"తుమ్హే గోల్ కీపర్కీ నహీ, ట్రోఫీకీ జరూరత్ హై మేరే భాయ్. గోల్ కీపర్కా క్యా కరోగే? (మీకు గోల్ కీపర్ అవసరం లేదు. మీకు ట్రోఫీ కావాలి. గోల్ కీపర్‌తో మీరు ఏమి చేస్తారు)" అని కుల్దీప్ అన్నాడు. ప్రస్తుతం దీనికి సంబంధించిన వీడియో నెట్టింట తెగ ట్రెండ్ అవుతోంది.
Kuldeep Yadav to a Rcb fan
— 𝙼𝚛.𝚅𝚒𝚕𝚕𝚊 (@Shivayaaah) January 24, 2025
" you don't need a goalkeeper, you need to win ipl trophy brother " 😭 pic.twitter.com/avTiEuaM9Q
అయితే కుల్దీప్ ఇచ్చిన ఈ ఆన్సర్ వల్ల నెట్టింట ఆయనపై విమర్శలు మొదలయ్యాయి. ముఖ్యంగా ఆర్సీబీ ఫ్యాన్స్ అతడ్ని ట్రోల్ చేయడం ప్రారంభించారు. దీంతో కుల్దీప్ వారిని కూల్ చేసేందుకు ప్రయత్నించాడు. "చిల్ ఆర్సీబీ ఫ్యాన్స్. ట్రోఫీ మీదే. కానీ నేను గోల్‌కీపర్ కాదు. అని ట్వీట్ చేశాడు. ఇప్పుడు ఇది కూడా సోషల్ మీడియాలో తెగ వైరల్ అవుతోంది.
Chill yar rcb fans…
— Kuldeep yadav (@imkuldeep18) January 24, 2025
Trophy apki hai 🏆🙌🏻
Par me goal keeper ni hu 😂
