Stock Market Close Today November 25, 2024 :సోమవారం దేశీయ స్టాక్ మార్కెట్లు భారీ లాభాలతో ముగిశాయి. అంతర్జాతీయ మార్కెట్ల నుంచి సానుకూల సంకేతాలు రావడం సహా, బ్యాంకింగ్, ఆయిల్ & గ్యాస్, రియాలిటీ షేర్లు రాణించడమే ఇందుకు కారణం. మహారాష్ట్ర అసెంబ్లీ ఎన్నికల్లో బీజేపీ నేతృత్వంలోని మహాయుతి కూటమి ఘన విజయం సాధించడం కూడా మదుపరుల సెంటిమెంట్ను బలపరిచింది.
బుల్ రన్ - సెన్సెక్స్ 990 పాయింట్స్ అప్ - రాణించిన బ్యాంకింగ్, రియాలిటీ షేర్లు - STOCK MARKET
Stock Market Updates (ANI)
Published : Nov 25, 2024, 10:26 AM IST
|Updated : Nov 25, 2024, 3:40 PM IST
Stock Market Updates November 25th 2024 : దేశీయ స్టాక్ మార్కెట్‌ సూచీలు సోమవారం భారీ లాభాల్లో ప్రారంభమయ్యాయి. అంతర్జాతీయ సంకేతాలు, మహారాష్ట్రలో ఎన్డీఏ కూటమి విజయం, గత వారం నష్టాల నుంచి కొంత రికవరీ కనిపించడం వల్ల సూచీలు సానుకూలంగా స్పందించాయి.
బొంబాయి స్టాక్ ఎక్స్ఛేంజీ సూచీ సెన్సెక్స్ 1261 పాయింట్లు పెరిగి 80,378 వద్ద ట్రేడవుతోంది. జాతీయ స్టాక్ ఎక్స్ఛేంజీ సూచీ నిఫ్టీ 397.5 పాయింట్లు పెరిగి రూ.24,305 వద్ద కొనసాగుతోంది. లార్సెన్‌ అండ్ టూబ్రో, ఎంఅండ్ఎం, ఎస్బీఐ, రిలయన్స్, ఐసీఐసీఐ షేర్లు లాభల్లో ఉన్నాయి. జేఎస్డబ్ల్యూ, ఇన్ఫోసిస్ షేర్లు నష్టాల్లో ట్రేడ్ అవుతున్నాయి.
LIVE FEED
24,000 మార్క్ ఎగువన ముగిసిన నిఫ్టీ
బొంబాయి స్టాక్ ఎక్స్ఛేంజీ సూచీ సెన్సెక్స్ 992 పాయింట్లు లాభపడి 80,109 వద్ద స్థిరపడింది. జాతీయ స్టాక్ ఎక్స్ఛేంజీ సూచీ నిఫ్టీ 314 పాయింట్లు వృద్ధి చెంది 24,221 వద్ద ముగిసింది.
- లాభపడిన షేర్లు :ఎల్ అండ్ టీ, ఎస్బీఐ, హెచ్డీఎఫ్సీ బ్యాంక్, అదానీ పోర్ట్స్, పవర్గ్రిడ్, టీసీఎస్, రిలయన్స్, కోటక్ బ్యాంక్, ఐసీఐసీఐ బ్యాంక్, యాక్సిస్ బ్యాంక్, ఐటీసీ
- నష్టపోయిన షేర్లు :జేఎస్డబ్ల్యూ స్టీల్, టెక్ మహీంద్రా, ఏసియన్ పెయింట్స్, మారుతి సుజుకి, ఇన్ఫోసిస్, హెచ్సీఎల్ టెక్
విదేశీ పెట్టుబడులు
స్టాక్ ఎక్స్ఛేంజీ డేటా ప్రకారం, శుక్రవారం విదేశీ సంస్థాగత పెట్టుబడిదారులు రూ.1,278.37 కోట్ల విలువైన ఈక్విటీ షేర్లను అమ్మేశారు.
లాభాల్లో అదానీ గ్రూప్ కంపెనీలు
అదానీ గ్రూపునకు చెందిన తొమ్మిది కంపెనీల షేర్లు సోమవారం లాభల్లో ప్రారంభమయ్యాయి. అదానీ ఎర్జీస్ దాదాపు 7 శాతం మేర పెరిగింది. బిఎస్‌ఈలో అదానీ ఎనర్జీ సొల్యూషన్స్ షేరు 6.89 శాతం, అదానీ గ్రీన్ ఎనర్జీ 6.42 శాతం, అదానీ టోటల్ గ్యాస్ 5.33 శాతం, అదానీ పోర్ట్స్ 4.64 శాతం, అదానీ పవర్ 4.17 శాతం పుంజుకున్నాయి. అదానీ ఎంటర్‌ప్రైజెస్ 4 శాతం, అదానీ విల్మార్ 3.23 శాతం, ఏసీసీ 3 శాతం, అంబుజా సిమెంట్స్ 2.71 శాతం షేర్లు పెరిగాయి. అయితే ఎన్డీటీవీ షేర్లు 2 శాతం తగ్గాయి.
1300 పాయింట్లకు పైగా లాభంలో సెన్సెక్స్
- భారీ లాభాల్లో కొనసాగుతున్న స్టాక్‌మార్కెట్లు
- 1300 పాయింట్లకు పైగా లాభంలో సెన్సెక్స్
- 430 పాయింట్లకు పైగా లాభంలో నిఫ్టీ
Last Updated : Nov 25, 2024, 3:40 PM IST