రెండు బైక్​లను బలంగా ఢీకొట్టిన స్కార్పియా.. బంపర్​లో బైకర్​ ఇరుక్కుని..

Horrific Accident: మహారాష్ట్రలోని కార్వే గ్రామంలో ఘోర ప్రమాదం జరిగింది. వేగంగా దూసుకొస్తున్న ఓ స్కార్పియో​.. రెండు బైక్​లను బలంగా ఢీకొట్టింది. దీంతో ఓ బైకర్​.. ద్విచక్రవాహనంతో పాటు స్కార్పియో బంపర్‌ కింద ఇరుక్కుపోయాడు. ఈ ఘటనలో ముగ్గురు తీవ్రంగా గాయపడ్డారు. ప్రస్తుతం వీరంతా స్థానిక ప్రైవేటు ఆసుపత్రిలో చికిత్స పొందుతుండగా.. ఒకరి పరిస్థితి విషమంగా ఉందని పోలీసులు తెలిపారు. ప్రమాదానికి కారణమైన స్కార్పియో డ్రైవర్​ను పోలీసులు అదుపులోకి తీసుకున్నారు. ఘటనా సమయంలో డ్రైవర్​ మద్యం మత్తులో ఉన్నాడని చెప్పారు. శుక్రవారం రాత్రి 9.30 గంటల ప్రాంతంలో జరిగిన ఈ ఘటన.. స్థానికంగా ఉన్న సీసీటీవీలో రికార్డు అయింది.