'తెలుగు ప్రజలందరికీ ఇకపై నేను వెంకీమామనే..'

వెంకటేశ్, నాగచైతన్య మల్టీస్టారర్​గా వస్తున్న చిత్రం 'వెంకీమామ'. బాబీ దర్శకత్వంలో సురేష్ ప్రొడక్షన్స్, పీపుల్స్ మీడియా ఫ్యాక్టరీ సంయుక్తంగా నిర్మించాయి. సినిమా ఈ నెల 13న ప్రేక్షకుల ముందుకు రానుంది. ఈ సందర్భంగా ఖమ్మంలో చిత్ర బృందం 'వెంకీమామ' ముందస్తు విడుదల వేడుకలను అట్టహాసంగా నిర్వహించింది. వేలాది మంది అభిమానుల మధ్యకు వెళ్లి సందడి చేసింది చిత్రయూనిట్​. వేదికపై వెంకటేశ్, నాగచైతన్యతోపాటు కథానాయికలు రాశికన్నా, పాయల్ రాజ్​పుత్ నృత్యాలు చేసి అభిమానులను అలరించారు. అనంతరం భావోద్వేగంతో అభిమానులను ఉద్దేశించి మాట్లాడాడు వెంకటేశ్​.