నాన్న సినిమాలు రీమేక్ చేయను: మహేశ్

'మహర్షి' చిత్రం విజయవంతం అయిన సందర్భంగా చిత్ర కథానాయకుడు మహేశ్ బాబుతో పాటు దర్శకుడు వంశీ పైడిపల్లి బేగంపేటలోని హైదరాబాద్ పబ్లిక్ స్కూల్ పాఠశాల విద్యార్థులు నిర్వహించిన 'రేపటితరం మహర్షుల' ప్రత్యేక కార్యక్రమంలో పాల్గొని చిన్నారులను ఉత్సాహపర్చారు. ఈ సందర్భంగా మహేశ్​ను విద్యార్థులు ప్రశ్నలతో ముంచెత్తారు. నాన్న (కృష్ణ) సినిమాలు రీమేక్ చేస్తారా అన్న ప్రశ్నకు.. నాన్న సినిమాలు అన్నీ మంచి చిత్రాలని..వాటిని చెడగొట్టే పనిచేయనని స్పష్టం చేశాడు మహేశ్. హెచ్​పీఎస్ ప్రిన్సిపల్ మాట్లాడుతూ.. త్వరలో పాఠశాల క్యాంపస్​లో మంచి స్థలం చూసి వ్యవసాయ క్షేత్రం ఏర్పాటుచేసి.. విద్యార్థులు తప్పకుండా వ్యవసాయం గురించి తెలుసుకునేలా చేస్తామని తెలిపారు.