రోడ్డు పక్కన స్టాల్​లో 'టీ' తాగిన మోదీ.. కాశీలో 'ఛాయ్​ పే చర్చ'

PM Modi in Varanasi: ఉత్తర్​ప్రదేశ్​ ఎన్నికల్లో భాగంగా తన సొంత నియోజకవర్గం వారణాసిలో శుక్రవారం ప్రచారం నిర్వహించారు ప్రధానమంత్రి నరేంద్ర మోదీ. రోడ్​ షోలో భాగంగా రోడ్డు పక్కన ఉన్న ఓ టీ స్టాల్​కు వెళ్లి ఛాయ్​ తాగారు. 'కాశీ ప్రజలతో ప్రధాని మోదీ ఛాయ్​ పే చర్చ చేపట్టారు' అని భాజపా ట్వీట్​ చేసింది. ప్రధాని ఛాయ్​ తాగుతున్న వీడియోను షేర్​ చేసింది. ఈ క్రమంలోనే హోటల్​లో ఉన్న కస్టమర్లు, సామాన్యులతో మాట్లాడారు మోదీ. తన హోటల్​కు ప్రధాని రావటంపై సంతోషం వ్యక్తం చేసిన యజమాని.. మోదీ దగ్గర ఆశీర్వాదం తీసుకున్నారు.