పోలీసు అధికారిని గుంతలో పడేసి.. వేట కొడవలితో..

Police Inspector attacked by villagers: మైనింగ్​ ప్రాంతాన్ని పరిశీలించేందుకు వెళ్లిన ఓ ఎస్సైని గుంతలో పడేసి వేట కొడవలితో దాడి చేసేందుకు యత్నించిన సంఘటన ఒడిశాలోని కోరాపుట్​ జిల్లాలో జరిగింది. లామాతపుట్​ తహసీల్​ పరిధిలో చేపట్టిన అరుదైన కయోలినైట్ మైనింగ్​ వద్దకు నందపుర్​ పోలీస్​ స్టేషన్​ ఎస్సై ప్రఫుల్లా లాక్రా సోమవారం తన సిబ్బందితో వెళ్లారు. పోలీసుల రాకను గమనించిన గ్రామస్థులు మైనింగ్​ చేయటాన్ని ఆపాలని డిమాండ్​ చేశారు. ​ఎస్సై ప్రఫుల్లాతో వాగ్వాదానికి దిగారు. ఈ క్రమంలోనే ఎస్సైని కొందరు బలంగా నెట్టేశారు. పక్కనే ఉన్న గుంతలో పడిపోయారు. ఓ వ్యక్తి వేట కొడవలితో దాడి చేసేందుకు యత్నించగా పక్కనే ఉన్నవారు అడ్డుకున్నారు. కయోలినైట్​ మైనింగ్​ను నిలిపివేయాలని గత కొన్నేళ్లుగా ఖడిమటి సురక్ష్య సమితి ఆధ్వర్యంలోని మూడు గ్రామాల ప్రజలు ఆందోళన చేస్తున్నారు. అందులో భాగంగానే పోలీసులతో గొడవ జరిగినట్లు తెలుస్తోంది. ఎస్సైపై దాడి కేసులో ఇద్దరిని అరెస్ట్​ చేసి విచారణ చేపట్టినట్లు నందపుర్​ ఎస్​డీపీఓ సంజయ్​ మహాపాత్ర తెలిపారు. మరికొంత మందిని అదుపులోకి తీసుకోనున్నట్లు చెప్పారు.