ఆల్​టైమ్ రికార్డ్- క్రికెట్ హిస్టరీలోనే హైయ్యెస్ట్ వ్యూవర్​షిప్- అంతా 'విరాట్' మాయే!

భారత్- పాకిస్థాన్ : రికార్డ్​ స్థాయి వ్యూస్- అంతా విరాట్ మాయే!

Ind vs Pak Viewership : భారత్- పాకిస్థాన్ మ్యాచ్ తాజాగా ఓ రికార్డ్ సృష్టించింది. ఈ హై వోల్టేజ్ మ్యాచ్​ను జియోస్టార్ లైవ్ స్ట్రీమింగ్ అందుబాటులో ఉంచింది. ఈ క్రమంలో ఇండో- పాక్ మ్యాచ్ క్రికెట్ హిస్టరీలోనే హైయ్యెస్ట్ వ్యూవర్​షిప్ సాధించింది. ఈ మ్యాచ్​కు జియోస్టార్​లో ఏకంగా 60.2 కోట్ల వ్యూస్ వచ్చాయి. ఒక క్రికెట్ మ్యాచ్​కు ఆన్​లైన్ లైవ్ స్ట్రీమింగ్​లో ఈ రేంజ్​లో వ్యూస్ రావడం ఇదే తొలిసారి.

• ఒక్కో సమయంలో ఇలా
• మ్యాచ్​ ప్రారంభమైన తర్వాత మహ్మద్‌ షమి తొలి ఓవర్‌ వేసినప్పుడు వ్యూవర్​షిప్ సంఖ్య 6.8 కోట్లు
• పాకిస్థాన్‌ ఇన్నింగ్స్‌ ముగిసే సరికి 32.2 కోట్లు
• భారత్‌ ఇన్నింగ్స్‌ మధ్య వరకు 36.2 కోట్లు
• విరాట్ సెంచరీ చేసే సమయానికి 60.2 కోట్లు.

ఇలా మ్యాచ్​ ప్రారంభమైనప్పుడు 6.8 కోట్లతో ఉన్న స్ట్రీమింగ్ వ్యూవర్​షిప్ ఆఖర్లో విరాట్ శతకం చేసే సమయానికి ఏకంగా 60.2 కోట్లకు చేరుకుంది. ఒక రకంగా చెప్పాలంటే ఇది మ్యాచ్​పై ఉన్న హైప్​తోపాటు విరాట్ సూపర్ ఇన్నింగ్స్ కూడా దీనికి ఒక కారణం.

No Indian Cricket fan will scroll down without liking this post.#ViratKohli𓃵 pic.twitter.com/7Q6JpBgERC

— Champions Trophy 2025 Commentary 🧢 (@IPL2025Auction) February 23, 2025

అదే కారణమా?
గతంలో జియో సినిమా, హాట్​స్టార్ ఓటీటీ ప్లాట్​ఫామ్స్​ క్రికెట్ మ్యాచ్​లు స్ట్రీమింగ్ చేసేవి. అయితే విడివిడిగా ఉండడం వల్ల నష్టపోయే ప్రమాదం ఉందని గ్రహించి ఛాంపియన్స్ ట్రోఫీకి ముందే ఈ రెండూ కలిసిపోయి 'జియోస్టార్‌'గా మారింది. ఈ రెండు ఓటీటీ ఫ్లాట్​ఫామ్స్​ వేర్వేరుగా ఉన్నప్పుడు గరిష్టంగా ఈ సంఖ్య 5 కోట్లు. హాట్‌స్టార్‌లో టీ20 ప్రపంచకప్ ఫైనల్​కు 4 కోట్లకు పైగా రియల్ టైమ్​ వ్యూస్ వచ్చాయి. ఛాంపియన్స్ ట్రోఫీకి ముందే ఇదే అత్యధికం.

He did it for us! 💙#ChampionsTrophyOnJioStar #INDvsPAK #INDvPAK #ViratKohli𓃵 pic.twitter.com/JkFcSW2S7j

— JioHotstar (@JioHotstar) February 23, 2025

ఇప్పుడు రెండూ కలిసిపోవడం వల్లే అత్యధిక వ్యూస్ వచ్చాయని భావిస్తున్నారు. అలాగే భారత్​తోపాటు బంగ్లాదేశ్, శ్రీలంక, నేపాల్, భూటాన్, మాల్దీవుల్లోనూ జియోహాట్‌స్టారే లైవ్ స్ట్రీమింగ్ ఇస్తోంది. ఇది కూడా ఈ రికార్డ్​కు ఓ కారణంగా చెప్పవచ్చు.

కాగా, మ్యాచ్​లో భారత్ 6 వికెట్ల తేడాతో నెగ్గింది. విరాట్ కోహ్లీ (100) సూపర్ సెంచరీకి తోడు శ్రేయస్ అయ్యర్ (56 పరుగులు) హాఫ్ సెంచరీతో అదరదొట్టాడు. గిల్ (46 పరుగులు) రాణించాడు.