ఇళ్ల మధ్యలోకి వచ్చి బీభత్సం సృష్టించిన చిరుత

కర్ణాటకలో ఓ చిరుతపులి జనావాసాల్లోకి వచ్చి కొందరిపై దాడి చేసింది. శుక్రవారం ఉదయం మైసూర్​ జిల్లాలోని కేఆర్​ నగర్​ ప్రాంతం శివార్లలో ఉన్న కనక నగర్​లో ఓ చిరుత ప్రజలను పరుగులు పెట్టించింది. ముళ్లూరు రోడ్డు సమీపంలో ఉన్న రాజా ప్రకాష్ స్కూల్ రోడ్డులో ఓ వ్యక్తి బైక్​పై వెళ్తుండగా అతనిపై దాడి చేసింది. ఆ తరువాత మరో ఇద్దరిపై దాడి చేసింది. దీంతో ప్రజలు ప్రాణ భయంతో పరుగులు తీశారు. వెంటనే స్థానికులు అటవీశాఖ అధికారులకు సమాచారం ఇచ్చాను. సిబ్బంది వచ్చి పులికి మత్తుమందు ఇచ్చి బోనులో బంధించారు. అనంతరం దాన్ని సురక్షిత ప్రాంతానికి తరలించారు.