Kolkata Durga Puja Special Tramway : కోల్​కతా ట్రామ్​కు 150 ఏళ్లు.. దుర్గా పూజ థీమ్​తో స్పెషల్​ డిజైన్​

Kolkata Durga Puja Special Tramway : బంగాల్​లో దుర్గాపూజతో పాటు కోల్​కతా ట్రామ్​వేస్​ సేవలు ప్రారంభమై 150 ఏళ్లు పూర్తైన సందర్భంగా ప్రత్యేక ట్రామ్​ను రూపొందిచారు అధికారులు. ట్రామ్ లోపలే కాకుండా బయట కూడా అందమైన చిత్రాలతో అలకరించారు. ఈ ట్రామ్​ టోలీగంజ్​- బాలీగంజ్​ మధ్య నూతన సంవత్సరం వరకు రాకపోకలు సాగించనుంది. నగరంలోని చారిత్రక ప్రదేశాలతో పాటు పూజ మందిరాలనూ కలుపుతూ ఈ ట్రామ్​ నడవనుంది. దీనిని ఏషియన్ పెయంట్స్​, XXL కలెక్టివ్​తో కలిసి బంగాల్​ ట్రాన్స్​పోర్ట్ కార్పొరేషన్​ సంయుక్తంగా చేపట్టింది.

మొదటి బోగిలో అందమైన దుర్గా విగ్రహాలను చెక్కారు. దీంతో పాటు దుర్గా పూజ విశేషాల వివరాలను ఇందులో పొందుపర్చారు. సింధూర్​, ధునుచి నృత్య కళాకారుల బొమ్మలను గీశారు. ప్రయాణికులు వీటిని సులభంగా తెలుసుకునేలా క్యూఆర్​ కోడ్​లను ఏర్పాటు చేశారు. రెండో బోగిని కోల్​కతాలోని చారిత్రక కట్టడాలు, సంస్కృతిని తెలిపేలా రూపొందించారు. 1873లో కోల్​కతాలో ట్రామ్​లను అందుబాటులోకి తీసుకువచ్చారు. కోల్​కతా దుర్గాపూజకు ఇటీవల యూనెస్కో ప్రపంచ వారసత్వ గుర్తింపు లభించింది.