కాంట్రాక్టర్​ను షూతో కొట్టిన​ ఎమ్మెల్యే.. వీడియో వైరల్​

మధ్యప్రదేశ్​, ఝాబువా జిల్లాలోని థాంద్లా నియోజకవర్గ ఎమ్మెల్యే, కాంగ్రెస్​ నేత వీర్​ సింగ్​ భూరియా.. ఓ కాంట్రాక్టర్​ను షూతో కొట్టారు. ప్రస్తుతం ఈ దృశ్యాలు సామాజిక మాధ్యమాల్లో వైరల్​గా మారాయి. కుళాయి నీటి పథకంలో భాగంగా కచల్​దారా గ్రామంలో నిర్మిస్తున్న ట్యాంకును పరిశీలించేందుకు ఎమ్మెల్యే అక్కడికి వెళ్లారు. ఈ క్రమంలోనే ట్యాంకు నాణ్యత విషయంలో ఇరువురి మధ్య వాగ్వాదం జరిగింది. మాటామాట పెరగటం వల్ల సహనం కోల్పోయిన ఎమ్మెల్యే వీర్​ సింగ్​ కాంట్రాక్టర్​పై షూతో దాడి చేశారు. ఈ వీడియో వైరల్​ కావటం వల్ల కాంట్రాక్టర్​ నిర్లక్ష్యంగా, నాసిరకంగా పనులు చేయటం వల్లే ప్రశ్నించామని సమర్థించుకున్నారు ఎమ్మెల్యే. ఈ విషయంపై ఇప్పటి వరకు ఎవరూ ఫిర్యాదు చేయకపోవటం గమనార్హం.