దేశవ్యాప్తంగా ఫైనల్ మేనియా- భారత్ గెలవాలని ఉజ్జయినిలో పూజలు- భారీ రంగోలితో ఆల్​ ది బెస్ట్​!

ind vs aus world cup final 2023 : మరికొన్ని గంటల్లో వరల్డ్​కప్ ఫైనల్ మ్యాచ్ ప్రారంభంకానుంది. ఈ మ్యాచ్​​ కోసం యావత్ క్రీడా లోకం ఉత్కంఠగా ఎదురుచూస్తోంది. దాదాపు 12 ఏళ్ల తర్వాత ప్రపంచకప్​ ఫైనల్​లో అడుగుపెట్టిన టీమ్ఇండియా.. ఈసారి ఛాంపియన్​గా నిలవాలని కోట్లాది మంది భారతీయులు ఆశిస్తున్నారు. ఈ నేపథ్యంలో శనివారం నుంచే టీమ్ఇండియా ఫ్యాన్స్ వినూత్న రీతిలో భారత్​కు మద్దతుగా నిలుస్తున్నారు. టీమ్ఇండియా గెలవాలని.. మధ్యప్రదేశ్ ఉజ్జయిని ఆలయంలో పూజారులు అభిషేకం, అర్చన నిర్వహించారు. మరోవైపు తమిళనాడు మధురైలోని వినాయక ఆలయంలో, టీమ్ఇండియా ఆటగాళ్ల పేరిట అర్చన చేయించారు స్థానిక అభిమానులు. ఉత్తర్​ప్రదేశ్​కు చెందిన ఆర్టిస్ట్.. 8 ఫీట్ల ఎత్తైన రోహిత్ స్కెచ్ వేసి, టీమ్ఇండియాకు ఆల్​ ది బెస్ట్​ చెప్పారు.

ఒడిశా పూరి బీచ్ వద్ద శాండ్ ఆర్టిస్ట్​ ఒకరు.. ఇసుకతో భారత్, ఆస్ట్రేలియా చిహ్నాలను చిత్రించి మద్దతు తెలుపారు. యూపీ సీతాపుర్​లోని సీతా గ్రూప్ ఆఫ్ ఎడ్యుకేషన్ ఆధ్వర్యంలో రంగోళీతో ప్రపంచకప్​ చిత్రించి.. భారత్​కు మద్దతుగా మానవ హారం నిర్వహించారు. ఇలా దేశనలుమూలల నుంచి టీమ్ఇండియాకు పెద్ద ఎత్తున మద్దతు లభిస్తోంది. కాగా, ఆదివారం మధ్యాహ్నం అహ్మదాబాద్ వేదికగా 2 గంటలకు మ్యాచ్ ప్రారంభం కానుంది.