2025 Keeway K300 SF Launched: వాహన ప్రియులకు గుడ్న్యూస్. ఇండియన్ మార్కెట్లోకి అదిరే డిజైన్లో కొత్త బైక్ ఎంట్రీ ఇచ్చింది. టూ-వీలర్ తయారీ సంస్థ కీవే ఇండియా 'కీవే K300 SF' పేరుతో దీన్ని తీసుకొచ్చింది. ఈ కొత్త 'కీవే K300 SF' అనేది 2022లో భారత్లో ప్రారంభించిన 'కీవే K300 N' మోడల్ అప్డేటెడ్ వెర్షన్.
కంపెనీ ఈ మోటార్‌సైకిల్‌ను రూ. 1.69 లక్షల (ఎక్స్-షోరూమ్) ప్రారంభ ధరకు విడుదల చేసింది. ఈ ధర పాత మోడల్ కంటే దాదాపు రూ. 60,000 తక్కువ. అయితే మొదటి 100 మంది కస్టమర్లకు మాత్రమే ఈ ప్రారంభ ధర వర్తిస్తుందని కంపెనీ తెలిపింది.
కీవే K300 SF డిజైన్: కంపెనీ ఈ కొత్త మోటార్ సైకిల్ డిజైన్లో ఎలాంటి మార్పులూ చేయలేదు. దీని డిజైన్ 'కీవే K300 N' స్ట్రీట్ ఫైటర్ మాదిరిగానే ఉంటుంది. ఈ కొత్త 'కీవే K300 SF' బైక్ పేరులోని SF అంటే స్ట్రీట్ ఫైటర్. కంపెనీ ఈ కొత్త బైక్ డిజైన్లో ఛేంజెస్ చేయనప్పటికీ దాని గ్రాఫిక్స్‌లో మాత్రం స్వల్ప మార్పులు చేసింది.
కలర్ ఆప్షన్స్: ఈ మోటార్సైకిల్ మూడు కలర్ ఆప్షన్లలో మార్కెట్లో అందుబాటులో ఉంది.
- మ్యాట్ వైట్
- మ్యాట్ బ్లాక్
- మ్యాట్ రెడ్
కీవే K300 SF పవర్‌ట్రెయిన్: కీవే దీని ఇంజిన్లో కూడా ఎలాంటి మార్పు చేయలేదు. ఇది అదే పాత సింగిల్-సిలిండర్ లిక్విడ్-కూల్డ్ ఇంజిన్తోనే వస్తుంది. ఈ మోటార్సైకిల్ 292.4cc ఇంజిన్‌ను కలిగి ఉంది. ఇది 8,750 rpm వద్ద 27.1 bhp పవర్, 7000 rpm వద్ద 25 Nm టార్క్‌ను ఉత్పత్తి చేస్తుంది. ఈ ఇంజిన్ 6-స్పీడ్ గేర్‌బాక్స్‌తో జత అయి వస్తుంది.
కీవే K300 SF హార్డ్‌వేర్: ఈ బైక్ ముందు భాగంలో USD ఫోర్కులు, వెనక భాగంలో మోనో-షాక్, రెండు వైపులా 17-అంగుళాల వీల్స్ ఉన్నాయి. వీటితో పాటు పవర్ను ఆపేందుకు రెండు వైపులా డిస్క్ బ్రేక్‌లు అందించారు. ఇది డ్యూయల్-ఛానల్ ABS తో కూడా వస్తుంది. అంతేకాక ఈ బైక్లో పూర్తిగా LED లైటింగ్, ఫుల్ డిజిటల్ ఇన్స్ట్రుమెంట్ క్లస్టర్ వంటి ఇతర ఫీచర్లు ఉన్నాయి.
క్యాబ్, రూట్ ఒకటే అయినా ఫోన్ మోడల్ను బట్టి ఛార్జీలేసుడేందీ?- ఉబర్ సమాధానమిదే!
ఫ్లాగ్‌షిప్ పెర్ఫార్మెన్స్తో 'ఐకూ నియో 10R' ఫోన్- గేమింగ్ లవర్స్కు ఇక పండగే!
కొత్త అప్డేట్స్తో బెస్ట్ ఫ్యామిలీ స్కూటీ లాంఛ్- ధర ఎంతంటే?
