షాపింగ్​మాల్​లో మంటలు.. లక్షలు విలువచేసే వస్త్రాలు దగ్ధం

BMC Mall Fire: ఒడిశా రాజధాని భువనేశ్వర్​లోని ఓ షాపింగ్​ మాల్​లో శుక్రవారం రాత్రి భారీ అగ్ని ప్రమాదం జరిగింది. మార్కెట్​ బిల్డింగ్​ సమీపంలోని బీఎంసీ కేశరి మాల్​లో ఉన్న వస్త్ర దుకాణంలో మంటలు చెలరేగాయి. సమాచారం అందుకున్న అగ్నిమాపక సిబ్బంది సంఘటనా స్థలానికి చేరుకుని మంటలను అదుపు చేశారు. ఈ ప్రమాదంలో ఎలాంటి ప్రాణనష్టం జరగలేదని, అయితే.. లక్షల రూపాయల విలువచేసే వస్త్రాలు బూడిదైనట్లు అధికారులు చెప్పారు. మాల్​లోని వస్త్ర దుకాణంలో షార్ట్​ సర్క్యూట్​ కారణంగానే అగ్ని ప్రమాదం జరిగినట్లు భావిస్తున్నారు.