కరెంట్​ షాక్​ తగిలి ఏనుగు మృతి.. లైవ్​ వీడియో వైరల్​!

తమిళనాడులో ధర్మపురి జిల్లాలో మరో ఏనుగు ప్రమాదవశాత్తు విద్యుత్​ షాక్​కు గురై మరణించింది. శనివారం ఉదయం ఓ ఏనుగు కంబినల్లూర్​ ప్రాంతంలో తన గుంపు నుంచి విడిపోయి కెలవల్లి గ్రామ సమీపానికి చేరుకుంది. ఆ ప్రాంతంలోని పంటపొల్లాలో సంచరిస్తూ.. ఆహారం కోసం వెతక సాగింది. నీటి కోసం ఓ సరస్సు వద్దకు వెళ్తుండగా.. పక్కనే ఉన్న ఓ హై ఓల్టేజ్​ విద్యుత్ లైన్​కు​ తలిగింది. దీంతో ఒక్కసారిగా గజరాజు కరెంట్​ షాక్​ తగిలి అక్కడికక్కడే కుప్పకూలింది. ఏనుగును గమనించిన స్థానికులు దాని వద్దకు చేరుకునే లోపే మృతి చెందింది. అయితే ఈ మొత్తం ఘటనను గ్రామస్థులు ఫోన్​లో చిత్రీకరించారు. దీంతో అది స్థానికంగా వైరల్​గా మారింది. సమాచారం అందుకొన్న అటవీ సిబ్బంది హుటహుటిన ఘటనా స్థలానికి చేరుకున్నారు. ఇదే జిల్లాలో ఇటీవలే మూడు ఏనుగులు మృతి చెందాయి. మరో రెండు ఏనుగు పిల్లలు మృత్యువు నుంచి తప్పించుకోగలిగాయి. వీటిని అటవీ సిబ్బంది సురక్షిత ప్రాంతానికి తరలించారు.