బైక్​పై వెళ్తుండగా వృద్ధుడికి గుండెపోటు.. సెకన్ల వ్యవధిలోనే..

బైక్​పై వెళ్తున్న ఓ వృద్ధుడికి హఠాత్తుగా గుండెపోటు వచ్చింది. సెకన్ల వ్యవధిలో అతడు బైక్​పై నుంచి రోడ్డు మీద పడిపోయాడు. వెంటనే రోడ్డుపై ఉన్న ప్రయాణికులు పోలీసులకు సమాచారం అందించారు. పోలీసులు ఘటనాస్థలికి చేరుకుని.. వృద్ధుడిని ఆస్పత్రికి తరలించారు. అప్పటికే బైకర్​ మృతి చెందినట్లు వైద్యులు ధ్రువీకరించారు. ఈ ఘటన ఉత్తర్​ప్రదేశ్​లోని అలీగఢ్​లో శుక్రవారం జరిగింది.  

అసలేం జరిగిందంటే..
అలీగఢ్​లోని జ్వాలాపురికి చెందిన పరమానంద్​(60) అనే వృద్ధుడు బైక్​పై మథుర బైపాస్ రోడ్డు మీద​ వెళ్తున్నాడు. అయితే భారత్​ పెట్రోల్​ బంక్​ వద్దకు వచ్చేసరికి ఆయనకు ఒక్కసారిగా గుండెపోటు వచ్చింది. దీంతో బైక్​పై నుంచి పరమానంద్​ కుప్పకూలాడు. సమాచారం అందుకున్న పోలీసులు పరమానంద్​ను ఆసుపత్రికి తరలించారు. అయినా ఫలితం లేకపోయింది. అప్పటికే పరమానంద్ మృతి చెందాడు. ఈ ప్రమాద దృశ్యాలు పెట్రోల్‌ బంకులోని సీసీటీవీలో రికార్డయ్యాయి. పరమానంద్ మరణవార్త విన్న అతడి కుమారుడు మనోజ్ ఆస్పత్రికి వచ్చాడు. అతడు తండ్రి మృతదేహాన్ని చూసి కన్నీరుమున్నీరుగా ఏడ్చాడు.