Container Ran On Road Without Driver : డ్రైవర్​ లేకుండా రోడ్డుపై కంటైనర్ పరుగులు..​ కార్లు, బైక్​లు ధ్వంసం

Container Ran On Road Without Driver : ఉత్తర్​ప్రదేశ్​లోని ఆగ్రాలో ఓ కంటైనర్ ట్రక్కు డ్రైవర్ లేకుండానే పరుగులు పెట్టింది. ట్రాన్స్ యమునా పోలీస్ స్టేషన్ పరిధిలోని టెడి బాగియా కూడలి సమీపంలో మంగళవారం సాయంత్రం ఈ ఘటన జరిగింిది. వస్తువులు సేకరించేందుకు కిందకు దిగిన లారీ డ్రైవర్ హ్యాండ్​ బ్రేక్​ వేయడం మరచిపోవడం వల్ల ఈ ప్రమాదం జరిగింది. డ్రైవర్​ లేకుండా రోడ్డుపై కదులుతున్న లారీని చూసిన ప్రజలు భయభ్రాంతులకు గురయ్యారు. ప్రాణాలు కాపాడుకునేందుకు పరుగులు పరుగులు తీయడం మొదలుపెట్టారు. దీంతో ఆ ప్రాంతంలో గందరగోళం ఏర్పడింది. లారీ దూసుకెళ్లడం వల్ల రోడ్డు పక్కన ఉంచిన రెండు కార్లు, మూడు బైక్‌లు ధ్వంసమవ్వగా.. కొంత మంది బైకర్లతో పాటు ఓ చిన్నారికి గాయలయ్యాయి. విషయం తెలుసుకున్న పోలీసులు.. చిన్నారిని చికిత్స నిమిత్తం ఆస్పత్రికి తరలించారు. డ్రైవర్​ను అదుపులోకి తీసుకుని విచారిస్తున్నట్లు తెలిపారు.

కమిషనర్ ఆఫీస్​లోకి దూసుకెళ్లిన కారు..  
Car Crashed Commissioner Office Wall :  మరోవైపు ఫతేహ్​బాద్​ రోడ్డులోని కమిషనర్ కార్యాలయ గోడను ఓ గుర్తుతెలియని కారు ఢీకొట్టింది. అతివేగంతో దూసుకెళ్తూ కారును డ్రైవర్​ అదుపుచేయలేకపోవడం వల్ల ఈ ప్రమాదం జరిగింది. సమాచారం అందుకున్న కొద్దిసేపటికే సంబంధిత పోలీసులు ఆఫీస్​ వద్దకు చేరుకుని ఘటనా స్థలిని పరిశీలించారు. కారు డ్రైవర్​ను అదుపులోకి తీసుకున్న పోలీసులు అతనికి వైద్య పరీక్షలకు తరలించినట్లు తెలిపారు. ఆ తర్వాత డ్రైవర్‌పై చట్టపరమైన చర్యలు తీసుకుంటమని అన్నారు. కాగా ఈ ప్రమాదంలో ఎలాంటి ప్రాణ నష్టం జరగలేదని పోలీసులు వెల్లడించారు.