Conductor Died After Falling Down From Bus Viral video : బస్సు నుంచి కింద పడి కండక్టర్ మృతి.. అదే కారణమట!

Conductor Died After Falling Down From Bus Viral video : బస్సులో నుంచి కింద పడి కండక్టర్​ చనిపోయిన ఘటన కర్ణాటకలో జరిగింది. మంగళవారం మధ్యాహ్నం జరిగిందీ దుర్ఘటన. మృతుడ్ని ఈరయ్యగా పోలీసులు గుర్తించారు. అతడు మంగళూరు జిల్లాలోని బాగల్‌కోటే ప్రాంతానికి చెందిన వ్యక్తిగా గుర్తించారు.

పోలీసులు తెలిపిన వివరాల ప్రకారం..
ఈరయ్య(23) మంగళూరు సిటీలో ఓ ప్రైవేట్ బస్సులో కండక్టర్​ పనిచేస్తున్నాడు. బస్సు కేపీటీ నుంచి వస్తుండగా.. నంటూర్ రౌండ్ అబౌట్​ వద్ద ఘటన జరిగింది. ​ప్రమాదం జరిగినప్పుడు అతడు బస్సు డోర్ వద్ద నిల్చున్నాడు. భారీ మలుపు వద్ద బస్సు వేగంగా వెళ్లడం వల్ల అదుపుతప్పి కిందపడ్డాడు. వెంటనే అప్రమత్తమైన అక్కడున్న ట్రాఫిక్​ కానిస్టేబుల్​.. స్థానికుల సాయంతో బాధితుడ్ని ఆటోలో ఆసుపత్రికి తరలించారు. తలకు తీవ్ర గాయం కావడం వల్ల చికిత్స పొందుతూ ఈరయ్య మృతి చెందాడు. అతివేగమే ప్రమాదానికి కారణమని పోలీసులు తెలిపారు. ఘటనపై కేసు నమోదు చేసుకున్నట్లు వెల్లడించారు.