Chaitanya Krishna First Reaction On Chandrababu Arrest: చంద్రబాబు అరెస్ట్​పై స్పందించిన నందమూరి చైతన్యకృష్ణ... వీడియో విడుదల

 Chaitanya Krishna First Reaction On Chandrababu Arrest: మాజీ ముఖ్యమంత్రి, తెలుగుదేశం అధినేత  నారా చంద్రబాబు నాయుడు అక్రమ అరెస్ట్​పై రాష్ట్రవ్యాప్తంగా ఆందోళనలు కొనసాగుతున్నాయి. ఇప్పటికే పలువురు టీడీపీ నేతలు, పార్టీ కార్యకర్తలు, పలుపార్టీ నేతలు... చంద్రబాబు అరెస్ట్​ను ఖండిస్తున్నారు. తాజాగా  నందమూరి జయకృష్ణ కుమారుడు చైతన్యకృష్ణ చంద్రబాబు అరెస్ట్(Chandrababu Arrest) పై స్పందించారు. చంద్రబాబును అరెస్ట్ చేయడాన్ని తీవ్రంగా ఖండించారు. చంద్రబాబునాయుడును కాపాడుకునేందుకు ప్రభుత్వంపై పోరాటం చేయాలని తెలుగుదేశం కుటుంబసభ్యులకు, ప్రజలకు పిలుపునిచ్చారు.

  నారా చంద్రబాబు అరెస్ట్​పై రాష్ట్రవ్యాప్తంగా ప్రజలు స్పందించాలని పిలుపునిచ్చారు. నిన్న ఒడిపోయింది చంద్రబాబు(Chandrababu) కాదని, అవినీతి గెలిచిందని చైతన్యకృష్ణ  పేర్కొన్నారు. వైసీపీ(YCP) ప్రభుత్వ చర్యలకు వ్యతిరేకంగా పోరాడాల్సిన సమయం ఆసన్నమైందని ఆయన పిలుపునిచ్చారు.  ప్రభుత్వాధికారులను ప్రలోభాలకుగురిచేసి చంద్రబాబును అరెస్ట్ చేశారంటూ చైతన్యకృష్ణ ఆరోపించారు. ఈ అవినీతి ప్రభుత్వానికి చరమగీతం పాడాలని పిలుపునిచ్చారు. లక్ష కోట్లు అక్రమంగా సంపాంధించిన వ్యక్తి బయట తిరుగుతున్నాడని.. రాజకీయాల ద్వారా రూపాయి కూడా సంపాదించని వ్యక్తిని నేడు జైల్లో పెట్టారని విమర్శించారు. ఈ మేరకు చైతన్య కృష్ణ(Chaitanya Krishna) వీడియోను విడుదల చేశారు.