IRCTC Green Triangle of Uttarakhand Package : దేవభూమి ఉత్తరాఖండ్ ఆధ్యాత్మికంగా ప్రసిద్ధి చెందిన ప్రాంతం. ప్రముఖ దేవాలయాలు, మతిపోగొట్టే కొండలు, లోయలు, రమ్యమనోహరమైన లొకేషన్లకు ఉత్తరాఖండ్ పెట్టింది పేరు. అందుకే ఈ దేవభూమిని దర్శించుకోవాలని చాలా మంది ఆరాటపడుతుంటారు. అందులో మీరు కూడా ఉన్నారా? అయితే మీలాంటి వారి కోసం ఇండియన్ రైల్వే క్యాటరింగ్ అండ్ టూరిజం కార్పొరేషన్ అద్భుతమైన టూర్ ప్యాకేజీని తీసుకొచ్చింది. ఒకే టూర్లో అటు ఆధ్యాత్మిక ప్రదేశాలు, ఇటు పర్యాటక ప్రదేశాలు చూసేలా ప్యాకేజీని ఆపరేట్ చేస్తున్నారు. ఈ ప్యాకేజీ ధర ఎంత? ఏఏ ప్రదేశాలు కవర్ అవుతాయి? ప్రయాణం ఎప్పుడు అనే వివరాలు ఈ స్టోరీలో తెలుసుకుందాం..
IRCTC టూరిజం "గ్రీన్ ట్రయాంగిల్ ఆఫ్ ఉత్తరాఖండ్" పేరుతో ప్యాకేజీని తీసుకొచ్చింది. మొత్తం 7 రాత్రులు, 8 పగళ్లుగా ఈ టూర్ ఉంటుంది. హైదరాబాద్ నుంచి ట్రైన్ జర్నీ ద్వారా ఈ టూర్ ఆపరేట్ చేస్తున్నారు. నైనితాల్, అల్మోరా, ముక్తేశ్వర్, దిల్లీ వంటి ప్రదేశాలు ఈ ప్యాకేజీలో భాగంగా విజిట్ చేయవచ్చు. ప్రకటించిన తేదీల్లో ప్రతీ మంగళవారం అందుబాటులో ఉంటుంది. ప్రయాణ వివరాలివే..
- మొదటి రోజు ఉదయం 6 గంటలకు హైదరాబాద్ నుంచి ట్రైన్(నెం 12723) జర్నీ స్టార్ట్ అవుతుంది. ఆ రోజు మొత్తం ప్రయాణం ఉంటుంది.
- రెండో రోజు ఉదయానికి దిల్లీ చేరుకుంటారు. అక్కడి నుంచి పిక్ చేసుకుని హోటల్కు చేరుకుంటారు. అక్కడ ఫ్రెషప్ అయ్యి బ్రేక్ఫాస్ట్ పూర్తైన తర్వాత చెక్ అవుట్ అయ్యి.. కార్బెట్ బయలుదేరుతారు. సాయంత్రానికి అక్కడికి చేరుకుని హోటల్లో చెకిన్ అయ్యి ఆ నైట్కు అక్కడే స్టే చేస్తారు.
- మూడో రోజు ఉదయం బ్రేక్ఫాస్ట్ తర్వాత సఫారీ, కార్బెట్ వాటర్ ఫాల్స్ సందర్శిస్తారు. ఆ తర్వాత నైనితాల్ స్టార్ట్ అవుతారు. అక్కడికి రీచ్ అయిన తర్వాత హోటల్లో చెకిన్ అయ్యి ఆరోజు అక్కడే స్టే చేస్తారు.
- నాలుగో రోజు మొత్తం నైనితాల్లోని పలు పర్యాటక ప్రదేశాలను విజిట్ చేసిన తర్వాత హోటల్కు చేరుకుని ఆ రాత్రికి అక్కడే ఉంటారు.
- ఐదో రోజు అల్మోరా, ముక్తేశ్వర్లోని పలు ప్రదేశాలు విజిట్ చేస్తారు. ఆ రాత్రి కూడా నైనితాల్లోనే బస చేస్తారు.
- ఆరో రోజు హోటల్ నుంచి చెక్ అవుట్ అయ్యి దిల్లీకి బయలుదేరుతారు. అక్కడకు చేరుకున్న తర్వాత అక్షరధామ్ ఆలయాన్ని దర్శించుకుంటారు. ఆ రాత్రికి దిల్లీలోనే స్టే చేస్తారు.
- ఏడో రోజు హోటల్ నుంచి చెక్ అవుట్ అయ్యి కుతుబ్ మినార్, లోటస్ టెంపుల్ సందర్శిస్తారు. అనంతరం దిల్లీ రైల్వే స్టేషన్లో డ్రాప్ చేస్తారు. అక్కడి నుంచి సాయంత్రం 4 గంటలకు దిల్లీ నుంచి ట్రైన్ జర్నీ స్టార్ట్ అవుతుంది. ఆ రాత్రంతా ప్రయాణం ఉంటుంది.
- ఎనిమిదో రోజు సాయంత్రం 5 గంటలకు హైదరాబాద్ చేరుకోవడంతో టూర్ ముగుస్తుంది.
ధర వివరాలు చూస్తే :
1 నుంచి ముగ్గురు ప్రయాణికులకు..
కంఫర్ట్లో(3A) సింగిల్ షేరింగ్కు రూ.60,910, డబుల్ షేరింగ్కు రూ.34,480, ట్రిపుల్ షేరింగ్కు రూ.27,020 చెల్లించాలి. 5 నుంచి 11 సంవత్సరాల చిన్నారులకు విత్ బెడ్ అయితే రూ.19,960, విత్ అవుట్ బెడ్ అయితే రూ.18,440 పే చేయాలి.
స్టాండర్డ్(SL)లో సింగిల్ షేరింగ్కు రూ.58,220, డబుల్ షేరింగ్కు రూ.31,630, ట్రిపుల్ షేరింగ్కు రూ.24,120 చెల్లించాలి. 5 నుంచి 11 సంవత్సరాల చిన్నారులకు విత్ బెడ్ అయితే రూ.16,970, విత్ అవుట్ బెడ్ అయితే రూ.15,440 పే చేయాలి.
4 నుంచి ఆరుగురు ప్రయాణికులకు:
కంఫర్ట్లో(3A) డబుల్ షేరింగ్కు రూ.29,730, ట్రిపుల్ ఆక్యూపెన్సీకిరూ.25,530 చెల్లించాలి. 5 నుంచి 11 సంవత్సరాల చిన్నారులకు విత్ బెడ్ అయితే రూ.19,960, విత్ అవుట్ బెడ్ అయితే రూ.18,440 పే చేయాలి.
స్టాండర్డ్(SL) డబుల్ ఆక్యూపెన్సీకి రూ.26,870, ట్రిపుల్ షేరింగ్కు రూ.22,640 చెల్లించాలి. 5 నుంచి 11 సంవత్సరాల చిన్నారులకు విత్ బెడ్ అయితే రూ.16,970, విత్ అవుట్ బెడ్ అయితే రూ.15,440 పే చేయాలి.
ప్యాకేజీలో ఉండేవి ఇవే:
- ట్రైన్ టికెట్లు(హైదరాబాద్ - దిల్లీ - హైదరాబాద్)
- హోటల్ అకామిడేషన్
- 6 బ్రేక్ఫాస్ట్లు
- సైట్ సీయింగ్ కోసం ప్యాకేజీని బట్టి వెహికల్
- ట్రావెల్ ఇన్సూరెన్స్
- ప్రస్తుతం ఈ ప్యాకేజీ జనవరి 7వ తేదీన అందుబాటులో ఉంది. ఇతర తేదీలు కూడా ఉన్నాయి.
- ఈ ప్యాకేజీకి సంబంధించిన పూర్తి వివరాలు, ప్యాకేజీ బుకింగ్ కోసం ఈ లింక్పై క్లిక్ చేయండి..
గాడ్స్ ఓన్ కంట్రీకి IRCTC సూపర్ ప్యాకేజీ - కేరళ ప్రకృతి సోయగాల్లో తడిసి ముద్దైపోవచ్చు!
IRCTC "టెంపుల్ రన్" - కేరళ, తమిళనాడులో 7 రోజులపాటు దివ్యదర్శనాలు!
