అమెరికాను వణికిస్తున్న వడగళ్ల తుపాను

బీభత్సమైన సుడిగాలులు, వడగళ్లతో కూడిన తుపాను అమెరికాలోని మిన్నెసోటా రాష్ట్రాన్ని అతలాకుతలం చేసింది. రెడ్​వుడ్​, బ్రౌన్​, వాటన్​వాన్​ జిల్లాల్లో భారీ ఆస్తినష్టం మిగిల్చింది. పరిశ్రమలతో పాటు నివాసాల పైకప్పులు భారీ గాలులకు చెల్లాచెదురుగా ఎగిరిపోయాయి. ప్రాణనష్టంపై స్పష్టమైన సమాచారం లేదని అధికారులు తెలిపారు. శుక్రవారం కూడా తుపాను చెలరేగే ప్రమాదముందని ప్రజలు మరింత అప్రమత్తంగా ఉండాలని సూచించారు.